Ka Ministry of Home Affairs da pynbna ko yei pyrtuid ki 1,082 ngut ki pulit ki wow yoh ya ki Police Medal kam chibynta ka sngi Independence Day, 2022 heiwa na Meghalaya da em soo ngut kiwa da yoh ya kani ka khusnaam.
Kini ki Medal toh kiwa da yabhah ha ki le tylli ki kyrdan kitæ ka Police Medals for Gallantry (PMG) wa em 347 ngut kiwa yoh, ka President’s Police Medals for Distinguished Service wa em 87 ngut kiwa yoh wa ka Police Medal for Meritorious Service wa em 648 ngut kiwa yoh.
Hapoh ka Gallantry Awards na ki 347 ngut, 204 ngut toh kiwa na Jammu & Kashmir, 80 ngut toh kiwa da leh pyrchah ya ki seiñ kieñ suloi ha ki bynta wa joor ka yaleh ha Jammu & Kashmir wa 14 ngut won toh kiwa na thaaiñ North East. Na kini 109 ngut toh kiwa na ka CRPF, 108 ngut na ka J&K Police, 19 ngut na ka BSF, 42 ngut na Maharashtra, 15 ngut na Chhattisgarh wei kiwa sah toh na kiwi ki jylla wa ki CAPF.
Na Meghalaya kiwa da chah jied toh hapoh ka Police Medal for Meritorious Service kiwa kynthup ya u SP warim ka West Jaiñtia Hills, u Lakador Syiem uwa man katni kam u Commandant, 6th Battalion Meghalaya Police, Umran Ri-Bhoi District, Meghalaya.
U Bikram D Marak, Superintendent of Police, West Jaiñtia Hills, Jowai, Meghalaya.
U Thulisserryl C Chacko, Deputy Commandant , 4th MLP Battalion ka Meghalaya wa em ha Vikaspuri, Police Line, New Delhi.
U Galdinson R Marak, AB Inspector, Kote, West Garo Hills, Meghalaya.
Puræ leh: Yoh u Pyrkhatlang Suchiang ya ka Union Home Minister’s Medal for Excellence in Investigation
