Yoh u warep murit ka ri-loom Garo yaka khusnaam Padma Shri

U warep murit uwa em 61 snem uwa na West Garo Hills uwa tip kam u Nanadro B Marak, ynnin ka sngi da pynbna ya oo kam uwa yoh yaka khusnaam Padma Shri da u President ka ri u Ram Nath Kovind.

U Marak toh uwa da dep thung 3,400 ki dieñ murit ha i khloo yong oo hi iwa heh 5 Hectare iwa da yoh u naka bei kurim u ha ki snem 1980 wei da sdang u ya ini i rep deiwa pynlut nyngkong T. 10,000 ha kitu ki por deiwa thung nyngkong kamwa 100 tylli ki dieñ kiwa da poi katni da ki hajar tylli.

U Nanadro da leh u ya ini i rep deiwa khlem pynemkaam yei sboh wa chna da ki dawai hadooh wow siat dawai khñiang heiwa nyngkong da chem chitom u wow pynyap yaki khñiang tangwa da chem buit u da kiwi wa chna hi u iwa pynemkaam da iwa da em chwa cha haka rymaw.

Katni da ye u wow pynmih hadooh palat 3 kilo na uwi u dieñ iwa man 3 chah ya iwa ye kiwi ha kiwi ki jylla. Heiwa da ye u wow khait arsien chi snem wei i khih u ha u snem 2019 da man ko T. 27 lak deiwa dai ya uni u murit hei dor T.170 chi kilo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki Padma Awards toh kawi na ki khusnam wa ha klieh dooh hapoh ka ri wa e cha ki bru paidbah da ka sorkar India, kini toh kiwa e le jait kiwa tip kam ka Padma Vibhushan, Padma Bhushan wa Padma Shri. Kini ki Award toh kiwa e cha ki bru wakreh ha kiwa boon ki jait kaam; nadooh kiwa krehkaam paidbah, i thoh i taar, i puræ puthi, ki yalehke Sport, i chait i khiah, i khayi pateiñ, rep i riang wa kiwi kiwi.

Kiwa yoh ya kini ki Award ha uni u snem man ki kamni ha wah:

Padma Vibhushan (7)

Padma Bhushan (10)

Padma Shri (102)

Note:  * In duo case, the award is counted as one.