Uwa khayi mooyong na Ri-loom Garo uwa da jop ya ka yathong (Auction) yow chalan ya u mooyong wa syad dor na Jharkhand dang yang u sa yei yoh bor naka sorkar Meghalaya yow chalan ya uni u mooyong lyngba ka Ri-loom Garo yow ye u pynku yei yoh dan ka sorkar wei heijooh i por yow pynyoh kreh ya kiwa chong chnong ka jylla.
Uni uwa khayi mooyong na Ri-loom Garo uwa tip kam u Georgeman Marak, da jop u yei yathong deiwa yoh u awjan 50,000 MT u mooyong na Jharkhand wei da yoh bor u na ka Coal India Limited yow chalan ya uni u mooyong cha Bangladesh.
I bhah wa nyngkong uni u mooyong wa dapoi 3300 MT da poi u da ka rel ha Goalpara wei daw pynlai cha Bangladesh lyngba ka Golakganj, Assam.
U Georgeman Marak leh dang yathong u yow jop chooh chooh u mooyong ka Coal India Limited na Assam ha kani ka tayaw.
I dawa mooyong ha Bangladesh da ku bha i nadooh wa khang ka National Green Tribunal yei rukom tih mooyong hapoh Meghalaya nadooh u 2014.
U Marak da ong u wa lada chah ka sorkar, daw yoh nong ko na ki dan wei ki bru leh daw yoh kreh ki wow kit u bah ya u mooyong.
Da ong u leh nachwa da chalan hadooh 75 lak MT u mooyong cha Bangladesh wei na ini kamwa 15 lak MT toh uwa na Ri-loom Garo.
