Ka Meghalaya napyrdi ki jylla wa khian ka ri da yoh ko yei naam kam kawa da ye u pynkrehkaam bha ya ki kyndon wow man ki baam kiwa bha wa miat wa chngaaiñ u pynemkaam katkam wa kheiñ hapoh ka State Food Safety Index-2020-21 wei yeini da pynbna da ka Food Safety and Standards Authority of India (FSSAI) ha ka yalang wa da emlang u Mansukh L. Mandaviya, u Montri ka chnat i chait i khiah ka ri India.
Na ki jylla wa khian, ka Meghalaya da yoh ko hei wa ar hawa pynkrehkaam ya kiwa toh u leh ya ki kyndon katkam ka State Food Safety Index heiwa ya kani ka khusnaam da pdiang sñiawbha da u James P.K. Sangma, u Montri ka chnat i chait i khiah ka jylla uwa da e khublei leh ya ki sahep sorkar wa pynyoh ya ka jylla ya ini i burom.
Hapoh ka aiñ Food Safety & Standards Act, 2006, ka Food Safety & Standards Authority of India da booh wow pyntikna wa ki baam hapoh ka ri toh kiwa tei wa kiwa bha ya ki paidbah ka ri heiwa hapoh ka jylla ya ini da pait da u Commissioner of Food Safety.
Ini leh man ko kam chibynta ka thong wow pyndooh ya ki jait kjut wa mih na ki baam, yow lait nei duna i yoh baam da kiwa biang wei heijooh i por leh yow lai nei sngaid.
Neiliang ka Meghalaya da phah Test ko ya ki nongmuna ki baam wa da tam 1000 tylli, da e License ko 4012 tylli, ki Registration 7259 tylli wa kiwi kiwi de iwa da pynman ya ka wow yoh ko ya kani ka khusnam.
