Ka seiñ Treilang Kynthei Dkhiah West kawa man ka seiñ kynthai wa kreh neibynta i khooid i suba yong ka chnong Dkhiah West, East Jaiñtia Hills, nadooh wow pynlang Plastic naki bynta waphær waphær yong ka chnong arsien chi bnai, hadooh wow phah kari wow lai pyllang chisien chi tayaw yaki jhep na waroh ki thlu yung, ki duka wa na ki yung krehkaam waphær waphær wa em hapoh chnong. Wei ya ini da ye wow pynkrehkaam da i yarap poisa naki thlu yung wa ki dukan wa em hapoh chnong.
Haka yalang wa pynman haka 4 tarik uni u bnai ha Community Hall ka chnong Dkhiah West, heiwa da em du kiwa kitkaam wa ki dkhot warim wei wa thymme, da pynskem ya kiwa kitkaam neibynta u snem 2020-2022.
Da ya emlang leh wei da pynskem ya kiwa kitkaam thymme da u Adviser ka seiñ u Coming One Joy Tlang.
Kiwa kitkam wa ki dkhot wa thymme man ki kamni:
President: Ka Hima Phawa
Vice President: Ka Suklang Phawa
Secretary: Ka Wiselyborn Swer
Asst. Secretary: Ka Hunlang Swer
Treasurer: Ka Raplang Pale
Adviser: U Coming One Joy Tlang
Ki dkhot: Ka Thynda Bareh, ka Ringkhamjan Phawa, ka Mildis Kya, ka Badamery Swer, ka Empress Dkhar wa kiwi.
Ka President warim, ka Thynda Bareh, hawa klam e kti yei kaam, da pynsñiaw ko yei sñiawngooh ya u waheh chnong waka EC yong oo kawa na i por cha i por kyrchaan ki yaka seiñ. Ka President warim da e khublei ko leh ya u MLA ka thaaiñ u Kyrmen Shylla uwa na i por cha i por da pynchlur u yaka seiñ neibynta i khooid i suba ka chnong.
Ka President warim da pynsñiaw ko leh yei sñiawngooh ya waroh kiwa ya embynta lang hei wow pynman yei thmu wa jop. Wei da duwai ko leh neibynta kiwa yahkhmat thymme, wei ka seiñ wow krehlang ko yow pynku chooh chooh hapoh i yahkhmat yong ki.
