Ki wakreh ASHA yong ka Amlarem C&RD Block da yoh ki ya kiwa kitkaam wa thymme neibynta ka samoi krehkaam 2021-2024 ha ka yalang wa pynman ha ka 6 tarik uni u bnai ha Syiem Jingsuk Parish Hall, Amlarem.
Kiwa kitkaam man ki kamni ha wah:
President- Mera Khynriem
Vice President– Korimai Pohthmi
Secretary- Jecinta Pohtam
Assistant Secretary– Rikular
Treasurer- Santa Pamthied
Adviser– Mebaai Langshiang.
Ha katai ka yalang da emlang u Parish Priest ka Amlarem Parish u Fr. Genes Shangpliang deilang wa kiwa yahkhmat yong ka HYC War Jaiñtia.
Da yoh ya ki kyntien kyrkhu kyrdoh na u Phadar ya ki ASHA wow nang ye chooh chooh ki wow kreh neibynta i myntoi u paidbah.
Neiliang ka Jecinta Pohtam kawa man kam ka Secretary ki ASHA, da pynsñiaw ko yei sñiawsih wa khroo bha yei chem jynjar ki hawa em ka khlam COVID-19 wa ym em uwi leh uwa mihkhmat MLA, MDC kiwa da tipmit yei kreh chitom yong ki, kiwa da kreh yow bha u biang ki paidbah deiwa hun ki hanla yoh tulop da iwa khian leh.
Da ong ko leh wa hawa pait kam cha kiwi ki thaaiñ, kiwa mihkhmat ki pyrkhat ki ya ki ASHA ha kam ini i por yong ka khlam COVID-19 tangwa ki yong ki won mar dei khangtleiñ.
