Ka Rising Star da jop ko ynne ha ka yakhun yaknieh wa le namo 3rd Place yong ka lympung yalehke Open To All 1st (L) Micky Shullai T20 Cricket Tournament 2022 wa da pynlai da ka Lumsooiung Sport Club Ummulong, ha Madan Mini Stadium, Ummulong, West Jaiñtia Hills.
Ha ka yakhun 3rd Place ynne ka sngi hapyrdi ka Rising Star wa ka HUCC heipor 10:00 waje i step, ka Rising Star da pynrem ko ya ka HUCC da 72 Run.
Ya ka kylla khlem da jop da ka Rising Star wei da jied ko u Bat nyngkong heiwa da ye ko u tied 172 Run heiwa u Deibormi Rangad da yoh u 65 Run na ki 45 bol, neiliang ka HUCC u B. Mylliemngap da yoh u chi Wicket naki 4 Over.
Hawa kdong won ya ka thong ka HUCC da ye ko u kamai 99 Run na ki 17.1 Over deiwa dooh ko waroh ki Wicket, heiwa u M. Shylla da yoh u 21 Run na ki 13 bol, neiliang ka Rising Star u P. Lamare da yoh u 3 Wicket naki 4 Over.
Ya i naam Man of the Match da yoh da u Deibormi Rangad yong ka Rising Star uwa da yoh u 65 Run wa chi Wicket.
Ka yakhun Final yong kani ka lympung u man ko hapyrdi ka Rangkynsai (Shillong) waka Elite XI (Shillong) ha ka 12-03-22 heipor 10:00 waje i step.
Kamtæ neiliang ka Lumsooiung Sport Club Ummulong da khut ya ki lok ki jor najan na jngai wow wan sakhi ki ya kani ka yakhun Final kani ka lympung ha ka 12 tarik uni u bnai.
