Ka NCC Group Headquarters ha Shillong da pynman ko yaka yakob wa tip kam ka Guard of Honour Competition yow yoh laad ki NCC Cadet ka North East wow pynyoo yei man ryntih wei kreh chitom yong ki.
Ya kani ka yakob da pynman haka 4 wa 5 tarik uni u bnai heiwa da em 39 tylli ki liang wa da wan u chimbynta kiwa da pynyoo yei sap wa da yoh ki deiwa kreh wa ki chnat chipai kam ka Army, Navy wa Air Force.
Yaka yalang pynkup burom da pynman ynnin ka 6 tarik heiwa da em u Major General Gagan Deep, ADG ka NCC NER, uwa da saam khusnaam cha kiwa jop ha David Hall, APS Shillong.
Ka 2 Meghalaya Battalion NCC Guard of Honour Team da yoh ko hei wa le na 39 tylli kiwi.
Neiliang u Major General Gagan Deep da e u yei yaroh yaki Cadet yei kreh chitom ki neibynta ki kaam wow tei yaka ri kiwa da man kam ka nongmuna ya kiw ki khynroo ka North East.
Kini kiwa jop daw yoh ki wow mihkhmat yaka NCC haka Republic Day heiwa du kiwa pliah donhi kiwa chah jied wow chimbynta.
Discussion about this post