Jowai: U khynnah skur ka Little Star Secondary School Ladrymbai, East Jaiñtia Hills District uwa puræ Class IX u Jay Prakash Singh u khon u Harishchandra Singh wa sah ha Ladrymbai da wanrah burom u ya ka skur yong oo deiwa yoh yei kyrdan wa le ha ka India International Science Festival wa pynman ha Lucknow, Uttar Pradesh nadooh ka 5-8 tarik uni bnai da ka Ministry of Science and Technology Government of India.
U Jay Prakash da chimbynta u nyngkong ha ka yakob District Level Science Seminar wa pynman ha Khliehriat da ka yungkrehkaam District School Education Office (DSEO) ka Khliehriat hajrong ka phang Industrial Revolution 4.0 heiwa da yoh nyngkong u wei da chah jied u wow mihkhmat ya ka District ha ka State Level.
Ha ka State Level Science Seminar wa pynman da ka Directorate of School Education and Literacy (DSEL) do yoh u heiwa le.
Kamtæ ka DSEL da jied ko ya 25 ngut ki khynnah napoh ka jylla Meghalaya yow lai mihkhmat ha ka Indian International Science Festival 2018 kawa pynman ha Lucknow.
U Jay Praksh da chimbynta u hapoh ka phang “Development Prospects and Plan of Northeast/State/District in the field of science and technology” wei na ki 60 ngut kiwa yachimbynta u Jay Prakash da yoh u heiwa le.
Discussion about this post