Ka yung krehkaam ka District Mission Coordinator, SSA West Jaiñtia Hills ryngkat wa ka ka ALIMCO nadooh ka 29 Khonchonglad hadooh ynne ka sngi da pynman ki ya ka Assessment Camp ha ki le tylli ki Block ka District wa kynthup ya ka Thadlaskein, Laskein wa Amlarem.
Ha ki le sngi kani ka Assessment Camp ha ki Block, ki manbei manpa kiwa da sñiawkhia ya ki khon ki kti, da wan chimbynta wei da yah ki ya ki khon khnang wa ki bru ka ALIMCO daw ye ki u leh yeiwa emkaam neibynta i myntoi ki khynnah wa emkaam sakhiat yei yarap wa kyrpang (Children with special needs) kiwa da wan cha kini ki Assessment Camp kiwa em kamwa 35 ngut ha Thadlaskein, 52 ngut ha Laksein wa 42 ngut ha Amlarem.
Ki bru wa kreh ka SSA Meghalaya kiwa da embynta ha ka Assessment Camp kynthup ki ya ka M. Kharbyngar, State Coordinator IE SSA-SEMAM Shillong, u L.K. Singh, District Coordinator, IE SSA West Jaiñtia Hills wa kiwi ki Volunteer katwa na ki Medical Team ka Artificial Limbs Manufacturing Corporation of India (ALIMCO), Guwahati da mihkhmat da u Aditya Kumar Naik, Audiologist wa u Subodh Kumar, Orthotics & Prosthetics.
U L.K. Singh hawa e i klam da ong u wa ka Assessment Camp toh wow thooh ya ki khynnah wa em duna khnang wa neiliang ka Artificial ALIMCO, Guwahati daw ye ko u e yarap ya ki da ki tiar ha ki por ki wow wan ki wow pynsuk ya ki la hei lai i wan, i bor sñiaw bor chynna wa kynthup ya ka Wheelchair, CP Chair, Crutch, Smart Cane wa ki Braille Kit neibynta kiwa thlah, wa ki tiar kiwa yarap ya kitu kiwa duna ha ki bor chkoor (Hearing Aids) wa ki Multi Sensory Inclusive Educational Kits neibynta kitu kiwa duna hei bor jabieñ.
