Jowai: Kiwa yahkhmat ka chnong Lumputhoi nadooh u waheh chnong u Honi Bareh wa u General Secretary chnong u Shimphang Lyngdoh kamjooh ki paidbah dap ki dei sñiawngooh ya u MLA ka thaaiñ u Kyrmen Shylla wada smat u yarap sñiawbha ya ki paidbah ka chnong da u khoo khamtam ha kam kani ka por wa em ka Lockdown wa ki paidbah ym yoh de ki u li khih li khan wei da maad ki leh chiboon i eh khamtam ha i baam i dih.
Kamtæ lyngba ini i yoh yarap da man ko i kyrkhu ya ki paidbah. Kiwa yahkhmat ka chnong kamjooh ki paidbah da e khublei kitbok kitrwiang ki ya u MLA wa u Blai u emlang u chirup wa oo khnang yow yoh u yei doh i pran kawa chait wa khlan yow ye oo u pyndep hok yei kamram yong oo.
Nalor itæ ka chnong hi waroh kawi da e khublei kitbok kitrwiang chooh chooh ko leh ya u MDC ka thaaiñ u Phasmon Dkhar wa oo leh da smat u wow yarap sñiawbha cha ki paidbah yong ka chnong da u khoo wa u salah. Deiwa ong e wa u Blai u emlang u chirup wa oo dei wow yoh u ya i doh i pran wa chait wa nang, u man khih man khan u khnang yoh u ye oo u pyndep ya ki kaam wa oo da mut da thmu u.
Heijooh i por khlem da mylliñ yaki dkhot kitkaam waphær waphær ka chnong kamjooh ki paidbah da e khublei kitbok kitrwiang ki leh ya u waheh chnong u Honi Bareh uwa em i mynsien sñiawlem wow yarap sñiawbha ya ki paidbah da u khoo katkam wa chah i bor yong oo.
Sa chisien ka chnong dap ko dei sñiawngooh sñiawburom ya phi waroh kiwa da yarap kyllooid mynsien ya ki paidbah chong chnong kiwa nang em hei dooh hei duk.
“Ki bru kiwa smat u yarap ya kiwa emkaam yei yarap toh ki bru kiwa sñiawthooh yei kamram yong ki; heiwa u Blai da pynkit u ha ki.”
Khublei chiboon yei kaam wa bha yong phi, e wa u Blai u sakhi u ya kini waroh, pynkut ka khubor na u General Secretary Chnong.
Discussion about this post