Kam chibynta ka CM-Elevate kawa man ka Scheme thymme ka sorkar yow yarap poisa ya kiwa kwah u seiñ khih, ynnin ka sngi da saam ya ki Cheque cha ki bhah wa nyngkong dooh namo ki First Batch wa yoh myntoi na kani ka Scheme kiwa da jan dap 40 ngut.
Hapoh kani ka Scheme, ka sorkar u yarap poisa ko nadooh 35% hadooh 75% i lut i sep yow seiñ khih wei ha kini ki 5 snem u pynlut Rs. 300 klur deiwa booh thong yow yarap ya Rs. 20,000 ngut kiwa seiñ khih.
Ya kani ka saam Cheque da leh haka PRIME MeghaPreneur Expo wa da pynman ha madan Polo, Shillong heiwa da wan kiwa boon ki bru wa da seiñ khih da idæ yow pynyoo ya ki mar ki mata wa pynmih wa dai ki.
U Conrad hawa e yei klam da ong u wa ka sorkar kwah ko u wanrah yei rukom man wa pynchlur ya kiwa seiñ khih yow chlur ki u lai chakhmat yow man ki leh kam kiwa e khih e kreh ya kiwi.
Chooh chooh da ong u wa ya u bru wym randien ym em wow ye u yaleh wa oo wei kiwa seiñ khih kiwa em ya kam ini i mynsien ym tieñ ki u pyrchang da iwa rap phær wei lada ym jop leh daw yieñ ma yieñ ki yow pyrchang.
Da ong u leh wa ka sorkar kwah ko u wanrah ko yeitæ i rukom pyrkhat ha ki khynroo khyllood wym toh u yooluti du yei kreh sorkar donhi wei wow lai thooh kreh ki leh ha ki thaw kreh yong ki bru samen.
Kini kiwa yoh Cheque toh kiwa chna Swimming Pool, ki Gym, ki madan Futsal, Basketball Court wa kiwi kiwi de.
Discussion about this post