Jowai : Ka ophis u Additional Director of General of Police wa ka Chairman Central Recruitment Board, Meghalaya,Shillong da pynbna ki wa em ki kaam wa lait ha ki 5 tylli ki kyrdan kreh Police kam UB SI, AB SI, wa kiwi kiwa kynthup waroh deilang 1705 tylli ki kreh ya ki wa sah hapoh Meghalaya u thap ki.
Kamtæ yow yarap ya ki khynroo khyllood wow man ki kiwa da pynkreh yow yakhun psiah kaam pulit, ki bor pulit ka WJH da pynman ki ya ka e sikai ha, Khasi Pnar School, Dawki heiwa da wan chimbynta hadooh 95 ngut ki khynnah khynroo khyllood.
Ha kani ka esikai da yoh i klam na u waheh chnong ka Dawki, u P. Syiem Dy. SP, u SI A. Laloo wa u SI I. Kharpran heiwa da batai kammon u pynkhreh kiwa thmu yaleh kreh pulit yow man kiwa da biang ha ki written wa ki physical test.
Ya ki Application Form da sdang u dai nadooh ka 1 tarik u Naiynru (June) ha ki ophis ki SP yong ki District, ki Commandant ka MLP Battalion wa na PTS Mawroh Shillong deiwa su yei dor T. 150.
Ya ka Reservation Policy u man ko kamni næ 40% ya ki Khasi wa ki Jaiñtia, 40% ya ki Garo, 5% ya kiwi ki tribe/schedule caste wada tipmit daka jylla Meghalaya weiwa 15% toh ya ka Open Category.
Discussion about this post