Yohbor ki Dolloi u booh ya ki san tylli ki thaw khrong dan

Jowai : Ka Dorbar Ki Daloi Ka Ri Jaiñtia lyngba u Chairman yong ka u ma Chawas Lyngdoh da pyntip u wa daw booh noh ya ki san tylli ki Customary Tax Collection Centre neibynta u khrong dan na ki kari wa chalan ya ki mar Khloo (Forest Produce), ki mar pohkhyndaw  (Minerals or Mineral) kiwa mih na ki Elaka waphær waphær.

Kini ki san tylli ki thaw khrong dan u booh ya ki ha :-
1. Dieñ tharæ, Moodymmai (Mookyndur Gate) ya ki kari wa lai cha East Khasi Hills.
2. Ratacherra ya ki kari wa lai cha Silchar, Assam.
3. Dawki ya ki kari wa lai cha ri  Bangladesh.
4. Nartiang/Khanduli ya ki kari wa mih cha Assam.
5. Saphai ya ki kari wa mih cha Assam.

Katkam ka hukum na ka Supreme Court ha ka mukotduma WP(C) No.393 heiwa da e bor ya ki Doloi u khrong dan katkam ki kyndon wa daw chna da ka Jaiñtia Hills Autonomous District Council.

Ya kani ka mukotduma da yaleh da ki Doloi hadien wa phah khang lut u Chief Secretary ya waroh ki Toll Gate wa ki  Check Gate ha u Naitung (April) 2016.

Tangwa u Justice Kurien Joseph wa u Justice Rohinton Fali Nariman hadien wa da bichaar bniah yeini da hukum wa waroh kiwa ksoh yei kyrdan Doloi hapoh Jaiñtia Hills toh u pynkrehkaam ki ya kini ki thaw khrong dan katkam ki kyndon wa chna ka Autonomous District Council.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Da ong wa i khrong dan (Customary Taxes) da wa tip kam ki Dolloi (Customary Heads) na ki mar khloo wa ki mar pohkhyndaw toh iwa jooh leh na warim chwa wow mih ka ri India.

Ka aiñ ka JHADC kawa tip kam ka Jaiñtia Hills Autonomous District (Establishment of Elaka and Village and Election, Appointment, Powers, Function and Jurisdiction of Doloi/Sirdar and Waheh Chnong) Act 2015 ha ka Clause 5 yong ka Sanad ki Dolloi da ebor ko ya ki Doloi u khrong dan ki kamwa jooh man.