Shillong: Ka Langsning FC daw yaleh ko wow jop ha ka yakhun wa khaddooh ka wow man kam chibynta ka yakhun wa khaddooh ha ka Second Division League 2018 mynstep ka sngi pyrchah ya ka TRAU FC ha Khuman Lampak Main Stadium, Imphal heipor 2:30 i sngi.
Kani ka yakhun da man ko kam wow yakhun yei burom heiwa ka TRAU da yoh ko wow lai chakhmat hadien wa pynrem ko ya ka Chennaiyin FC Reserves da 4-0 ha kani ka 9 tarik.
I jop ka TRAU da poi ko kam ka dhab wa ha khmat doooh deiwa yoh ko 20 Point kawa da booh ya ka ha i kyrdan wa nyngkong ha ka Group C iwa mut wa daw lai ko cha khmat.
Ka Langsning won u pyrchang ko wym e laad ya ka TRAU wow lai suk ko hanlada na waroh ki dhab ka da em ko 15 Point wei lada jop ko mynstep u yoh ko 18 Point tangwa kiwi ki dhab wa em 4 tylli da em chwa ki 19 Point ha ka Group A wa B iwa mut wa i yaleh ka Langsning u kut noh ko mynstep.
Ini man i leh iwa sñiawsih ya kiwa yalehke ka Langsning heiwa ha kani ka kynti da sdang ku ko deiwa jop ha ki ar tylli ki yalehke wa pynman ha Bengaluru pyrchah ya ka Bengaluru FC da 3-0 wei ha Shillong da pynrem ko ya ka Jamshedpur FC Reserve da 5-0.
Ka Langsning da yooluti ko wow pynkut ya kani ka Second Division dei jop.
Discussion about this post