Shillong : Ka Cherry Blossom Festival wa nyngkong dooh hapoh ka ri ynne ka sngi da poi ko cha wa kut ha Shillong. Ya kani ka Cherry Blossom da sdang nadooh ka 14 tarik uni u bnai wei da pynman ya ka da ka sorkar Meghalaya, hapoh i yahkhmat ka tnat Forest and Environment hei yakrehlang wa ka Institute of Bioresources and Sustainable Development (IBSD) Govt of India.
Ya kani ka Cherry Blossom Festival da wan sakhi ya ka da kiwa boon kiwa uiñke sawari na kylleiñ ka pyrthai heiwa da pynman boon ki yalehke kam ka yakop dro, yasiat thong, rwai choir, ki tem ki put, ki yakop chondur, ki yakop pynyoo riam, ka cycle rally, yakop rwai tynre, ka yakop miat kynthai wa tip kam ka Miss Cherry Blossom Festival wa kiwi kiwi.
Kiwa pynman ya kani ka Cherry Blossom Festival da ong ki wa da wan sakhi da ki hajar ngut ya ka hanlada da poi ko cha wa kut, kiwa kwah chooh u yoo ya ki Cherry Blossom dang ye ki u lai cha kiwa boon ki thaw wa phooh uni u syntu.
U Prof Dinabandhu Sahoo, Director IBSD, da kyntu u ya ki paidbah yow thung chooh chooh ki ya ki dieñ Cherry Blossom yow wanrah ya ka “Pink Revolution” hapoh ka jylla yow ye u pynman ya ka Cherry Blossom Festival kawa heh chooh chooh ha ki snem wow wan.
Discussion about this post