U Thomas A Sangma, Speaker ka Meghalaya Legislative Assembly, ynnin da lai pait u yei chna ya ka yung dorbar chna aiñ wa thymme ka jylla wa em ha Mawdiangdiang yow pait kammon lai i kreh chakhmat.
Hadien wa dep yei pait i sylli da ong u wa i kreh toh iwa lai chakhmat tangwa suki i wei hun u wow yoo yei kreh wa dadep leh.
Da khana u leh wa da pyntip cha ki chnat sorkar kam ka Forest wa Horticulture yow pyntikna wa kani ka thaw man ko kawa yirngam.
Da pyntip u leh wa ha ka mala wa ar, daw booh leh yei dur i dar wa kiwi de yow khana yei parom ka Meghalaya.
Heiyatoh wa i em ki bru wa kreh mylla, da pyntip u wa ini wa dep da duna bha ki tangwa kattæ da biang ki wei daw wan chooh chooh ki wei ha kini ki sngi wow wan i kreh leh u man i iwa khlem da duna bru de.
Da angnood u leh wow pyndep smat yei kreh tangwa i por wa da booh ha ka 30 tarik uni u bnai ym ye de, kamtæ da yooluti u wa hadien chi bnai daw ye wow pyndep noh wei neiliang ka PWD Building Division leh daw pyntikna ko wym jia de iyi iyi kam ini wa dep.
Discussion about this post