Jowai : Hanlada da yoh laitlooid ka ri India kattu la palat 69 snem, hadooh katni leh dang kulmaar i rukom kheiñ jaitbru wei i rukom e kot e sla ka sorkar cha waroh khamtam kiwa im hapoh jylla Meghalaya.
Hadien wa yoh ya ka ujor na ki paidbah wa ong wa katni ha ki Scheduled Tribe Certificate, wa da e na Office u Deputy Commissioner ka West Jaiñtia Hills ya ka jaitbru Pnar da e bait “Jaintia Tribe”.
Neiliang u Wyrta da lai li kylli takit u yeini na Office u DC ka WJH wei da chem sakhiat wa ya ki ST Certificate yong waroh kiwa pyndap katni, manda e ya kani ka Certificate hanlada pyndap jaitbru Pnar da pynmih won ha ki Certificate kam ki Jaintia Tribe. Dang nachwa hawa pyndap ya ka Form ST Certificate lada pyndap jaitbru Pnar Tribe da pynmih ha ki Certificate leh “Pnar Tribe.”
Da chem wa da pynkylla yeini dang ha uni u snem wa da lai, heiwa da em ki kattu katni ki khroo pyrkhat na ri-loom Jaiñtia da e Dorkhat ki ha ki bor ka District wow e salonsar noh ya waroh ki tre-ri na Jaiñtia (Pnar, War, Bhoi, wa kiwi) kam ki Jaiñtia Tribe ha ki ST Certificate.
Lada wyrchaw i ya ka hukum hei yatoh wa ki jaitbru khianpaaid hapoh ri India wa tip kam ka “Constitution (Scheduled Tribes) Order, 1950” hapoh jylla Meghalaya da em kini ki jaitbru wa tipmit kam ki Scheduled Tribe:
- Chakma
- Dimasa, Kachari
- Garo
- Hajong
- Hmar
- Khasi, Jaintia, Syteng, Pnar, War, Bhoi, Lyngngam
- Any Kuki Tribes including.-
(i) Biate, Biete
(ii) Changsan
(iii) Chongloi
(iv) Doungel
(v) Gamalhou
(vi) Gangte
(vii) Guite
(viii) Hanneng
(ix) Haokip, Haupit
(x) Haolai
(xi) Hengna
(xii) Hongsungh
(xiii) Hrangkhwal, Rangkhol
(xiv) Jongbe
(xv) Khawchung
(xvi) Khawathilang, Khothalong
(xviii) Kholhou
(xix) Kipgen
(xvii) Khelma
(xx) Kuki
(xxi) Lengthang
(xxii) Lhangum
(xxiii) Lhoujen
(xxiv) Lhouvun
(xxv) Lupheng
(xxvi) Mangjel
(xxvii) Misao
(xxviii) Riang
(xxix) Sairhem
(xxx) Selnam
(xxxi) Singson
(xxxii) Sitlhou
(xxxiii) Sukte
(xxxiv) Thado
(xxxv) Thangngeu
(xxxvi) Uibuh
(xxxvii) Vaiphei
- Lakher
- Man (Tai speaking)
- Any Mizo (Lushai) Tribes
- Mikir
12.Any Naga tribes
- Pawi
- Synteng
- Boro Kacharis
- Koch
- Raba, Rava.
Lada ha u sarin wa 6 da em kini ki jaitbru : Khasi, Jaintia, Syteng, Pnar, War, Bhoi, Lyngngam katwa ha ka sarin wa 14 won em biang ki jaitbru Synteng.
Ini klam che i wa ympu ye u pynwiar ya ki jaitbru Pnar na ki ST Certificate kat wym pu pynkylla ya ka da ka hukum ka ri India (Parliament) tæ iwa phylla toh kammon won da chim syndet ya ka rai wow pynmih ha ki Certificate wa katni du ka “Jaiñtia Tribe”?
Iwi iwa phylla leh wa ki heh ki haaiñ kiwa mihkhmat yong i, yi krum ki waroh kitu ki snem? Ileh mih ini i khalær i mih ka hukum kawa na ki snem 1950?
Heijooh i por, ka JHADC ye hi ko ma-ai u e ya ki ST Certificate, neibhah ka man ko kam ka bor wa da seiñ wow yada ya i hok wei wow yada ya ki jaitbru khianpaaid? Wei hadooh katni leh ym tip che wa u Pnar, u Synteng wa u Jaintia toh u jooh namo wa yapher.
Hei yatoh weini neiliang u DC ka WJH, u Arunkumar Kembhavi da ong u wa ki paitbah ye ki u jied kammon kwah ki u thoh ha ki Scheduled Tribe Certificate yong ki, wei ym ye u pynmih kamwa thoh katni du ka Jaintia Tribe donhi.
Discussion about this post