Jowai : Ynne ka sngi da ujor ki paidbah wa da sakhi ki yei booh khlem akor wei da booh ya ka signboard “Syntukshir” ha Lynter næ i bynta ka Wah Myntdu ha yingkieñ nar (ar chka).
“Ini i rukom booh khaler ya kam kani ka signboard man i iwow pynwiar yei pyrtuid tre i thaw, iwa man kyntang leh kamjooh” da ong u khynroo D. War na Jowai.
Neiliang u Wyrta da hiar u wow sakhi yeini heiwa da pynsakhiat yeini i booh ya ka signboard pyn hajan ka yingkieñ nar chirup wa ki signboard ka PMGSY kawa da thoh bniah yei rukom pynkreh ya u surok Syntuksiar Chyrmang.
Da sakhi leh wa da bakla i rukom thoh leh yei pyrtuid “Syntuksiar” heiwa da thoh kam “Syntukshir”.
“Yoosar kani ka thaw wa jooh tip i kam ka Archka hanpaya da yoh pyrtuid thymme ko mo dei Syntukshir?” da ong u ma Dei (da kyrpad wow murieh pyrtuid) na Pohchnong Jowai.
Neiliang u Wyrta ynne i janmiet da lai yachem u wa u EE, DPIU (District Project Implementation Unit) ka PMGSY, u ma KK Mawa heiwa da pynche u wa da em i bakla neiliang kiwa kreh wei da phah u leh ya ki wow yaklam ki wa u EE ka DPIU u bah Kharmawlong yow leh yeiwa emkaam.
Chooh chooh u ma Mawa da kular u leh wa pyn mynstep u kyrriah noh ya kani ka signboard, wei daw pynbait yeiwa da bakla.
Discussion about this post