Kam chibynta wow pynku yei yoh dan ka sorkar, neiliang u Montri ka chnat Revenue, u Kyrmen Shylla, da ong u ynne wa ka chnat dang thooh ko ya ki laad ki luti yow lait u liat ka dan wa toh u yoh ka sorkar khamtam heiyatoh wa i kiad.
Da booh thong wow pynemkaam dri stat Computer yow booddien wei yow tip thij pa thij yaka poisa wa da yoh nei dai kiad.
U Kyrmen da ong u wa kamwa man kattæ ym em ka thup wa da pynlang yow pynyoo katwon dooh nong nei liat ka dan wei deiwa pynemkaam da ki Computer daw ye u tip neiwon liat ka dan wei yow man leh iwa khooid i rukom lum dan.
Ini waroh toh iwa dang pyrkhat donhi wei da emkaam wow yoh mynjur naka sorkar wow kyrchaan poisa yow leh yeini wei lada man i wym thut wow pynkrehkaam daw ye u lai bait chakhmat.
Heiyatoh wa kitu kiwa chna Wine ha ki yung ki sem, da ong u wa ka sorkar da chah ko wow leh yeini deiwa wanrah da ka aiñ iwa da yarap bha ya kiwa chna Wine hapoh ka jylla.
Da khana u wa da mih chiboon iwa bha neini katkam wa da pyntip na kiwa chna Wine wei ka thong toh yow man ka jylla kam kawa khlan dooh wow pynmih Wine ha India wei ka sorkar da e laad ko ya kiwa chna Wine wow leh yeini katwa yoo biang ki heiwa ka sorkar da e ko leh da ka License.
Discussion about this post