Ka KSU Mawkasiang Unit kam chibynta wow lehkmen yei dap chi snem thij yong ka, da pynman da ka Maitshaphrang Invitation Football Tournament ynne ka sngi ka 25 tarik. Ha kani lympung yaleh bol da chimbynta da 4 tylli ki kynhun kiwa kynthup ya ka KSU Mawkasiang Unit, KSU Shillong Mihngi Circle, ka Mawkasiang Sports & Cultural Club wa ka Shillong Labet FC.
U kongsan ha kani ka lympung toh u Shemphang L Mawphlang uwa man leh u Litigation Secretary ka KSU CEC. Da ya emlang leh u Basil Nongbri uwa man u waheh dong ka Umroh, Mawkasiang, u Eric Nongkynrih wa u James Hitler Mawphniang kiwa man ki Assistant General Secretary ka KSU CEC wa kiwi kiwi de.
Ki yalehke man ki hapyrdi ka KSU Shillong Mihngi Circle pyrchah ya ka Shillong Labet FC wa ka Mawkasiang Sports & Cultural Club pyrchah ya ka KSU Mawkasiang Unit. Ka Shillong Labet FC da jop ko da 5 kool ya ka KSU Shillong Mihngi Circle katwa ka yakhun hapyrdi ka KSU Mawkasiang Unit wa ka Mawkasiang Sports & Cultural Club da kut khlem wa yoh u thap kool wei da pynman da ka yachut Tie-Breaker heiwa ka KSU Mawkasiang Unit da pynkhih ko ya ka jaar 6 sien yow jop ya ka Mawkasiang Sports & Cultural Club kawa da yoh u pynkhih jar 5 sien.
Ha ka yakhun Final, ka Shillong Labet FC da thap ko 4 kool pyrchah ya ka KSU Mawkasiang Unit yow man kam kawa jop ya kani ka lympung.
Ha kani ka sngi da yoh leh wow ah Cake yow lehkmen ya ka lyngkhooh snem wa nyngkong yong ka KSU Mawkasiang Unit.
