Jowai : Kam chibynta wow pynkhooid wei wow pynpliah yei rukom pynman ya ka Exam yong ka DSC ha kani ka kynti, ka Committee hapoh ka West Jaiñtia da pynman ko ya kani ka exam kawa rap phær na kiwa boon wa pynman hapoh jylla.
Ynnin ka 8 Naichiphaw ha ka exam neibynta i kaam Assistant Teacher da pynman ya ka written examination deiwa pynemkaam da ki OMR Sheets wei ya ki thup da bhah soo bynta.
Heijooh i por ya kani ka exam da riñdur næ riñ video heipor wa pynman ya ka wei heijooh ipor da phah kyrpang (depute) 4 ngut ki sahep cha ki kamra wa thoh exam yow pyntikna wa lai bait ka exam wei da pyndam noh yei wow pynemkaam da kiwa sikai skur wow yang ha ki kamra wa pynman exam.
Ini i rukom pynkhor ka DSC toh hadien wa chem yei rukom bood tooh kiwa thoh exam ha ka exam DSC wa da pynman ha ki bnai wa da dep, da pyntip leh wa ka result yong kani ka exam wa man ynnin u pynbna ha kani ka tayaw wow wan.
Discussion about this post