Yow suk ki paidbah u yaleh ya ki kot ki sla, u chna pynthymme ka JHADC yei yung krehkaam ha Khliehriat

Ka yung krehkaam ka JHADC wa em ha Khliehriat West kawa da ieh khlem da pynemkaam de nadooh u snem 1998 kawa jooh man kam ka yung krehkaam wa pynemkaam da ka chnat Forest ka Council, da rai wow chna thymme noh ka.

Ya kani ka yung krehkaam da lai wow pait ka ynne ka sngi da ki EM ka JHADC wa kynthup ya u Seibor Shadap uwa pait ya ka Revenue Department, u Phasmon Dkhar uwa pait ya ka Civil Work Department, u Finelyness Bareh uwa pait ya ka Political Department deilang wa u Dy. CEM, u Lasky Rymbai uwa pait ya ka Forest Department.

I lai pait leh man ko kam chibynta hi i rai ka EC ka JHADC wow pynchna ya kani ka yung krehkaam wei ynne man ko man ko leh yow lait pait lai sylli khaddooh yow pynkhreh ya ka Report ka wow rah hakhmat ka EC chwa wow sdang yei kreh.

Neiliang u Phasmon da pyntip u wa ya ka yung wa em kattæ daw chna pynmiat ka wei daw chna leh sa iwi i yung krehkaam wa thymme heiwa daw chong krehkaam ka chnat Tax, Revenue wa Forest iwa daw pynsuk ya ki paidbah wa em hapoh ki Elaka wa jngai na Jowai yow lait ki wow pynsepai yei por kamjooh ka poisa hawa lai wa wan.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ini mut i wa daw ye wow yaleh ya ka Land Holding Certificate, Pata wa kiwi de ki kot ki sla pyn na Khliehriat hi wei daw yarap ko leh wow pynku ya ka yoh dan ka Council.