Jowai: Ki seiñbhalang waphær waphær napoh East Jaintia Hills District kiwa kynthup yaka EJNC, JSM-ER, JYF-EJH, HANM-EJH, HYC-EJH, HNYF-EJZ, MPUF-EJH, NEIPF- EJH Wing, haka yalang wa da pynman haka 21 tarik uni u bnai ha yung krehkaam ka JSM-Seiñbei, da iwi i sur da rai wow chna noh yaka East Jaiñtia Organisations Forum (EJOF) kam ka dak yatylli kawi yong ki seiñbhalang hapoh EJHD, ya kani ka Forum da sdang hajrong ka yurim yieñ yaleh yaki eh kiwa ka EJHD da tyngkhooh ko naki por cha ki por.
Ha katai ka yalang ka Forum da rai leh wow khut daka General Committee wow yaklam hajrong i ku dor i Cement wa hajrong i wan chong chnong yong ki bru kiwa na baar.
Neibynta yow pynlai kaam cha khmat yong ka Forum, ha katai ka sngi da yoh wow jied ya kiwa kitkaam yong ka Forum kiwa kynthup ya u Chairman u Ency Shadap (HANM – EJH), Vice Chairman u Shnalad Rymbai (JSM-ER), General Secretary u Sambormi Lyngdoh (EJNC), Asst. Genl. Secy. u John Pala (JYF-EJH), Spokesperson u Marshall Biam (NEIPF), Treasurer u Michal Chyrmang (MPUF-EJH), Asst. Treasurer u Julius Nongtdu (HNYF-EJZ), Chief Advisor u Leningstar Rymbai (JSM-CB) ha i jooh i por yaki President wa Secretary yong ki seiñ wa em hapoh ka Forum u man ki kam ki Executive Member (EM) hapoh yong ka EJOF.
Discussion about this post