Jowai: Ha i janmiet ka 30 tarik ar ngut ki khynnah chynrang wa dang 8 snem wa 10 snem wa sah ha Blessing Hostel wa em ha Mission Compound, Jowai da wiar ki na kani ka Hostel heipor wa dang chong khreh kot ki.
Ki khynnah uwa dang 8 snem toh na Wapungskur katwa uwa 10 snem toh uwa na Rymbai.
Ki wa hayung hasem da li ujor ki cha ki pulit yow pynman ya ka takit wei yow pynbna paidbah yow thooh ya kini ki khynnah.
Ynne i step heipor 11 duna kini ki ar ngut da poi biang ki cha ka Hostel hadien wa em wa chem ya ki na Syntuksiar.
Katkam wa pyntip kini ki khynnah da ong ki wa da mih ki na Hostel wa swe ki u khrehkot wei da uiñ ke ki cha Iawmusiang wei hei miet won da thiah ki ha ki dukan trep wa em ha Iaw chiap katwa hei step won da lai ke ki cha loom heiwa da chem ki bru wa suba toh ki khynnah wa wiar wei da li yah ki ki cha Hostel wa sah ki.
Discussion about this post