Ka Khliehriat Block Congress Committee, East Jaiñtia Hills District hapoh i yahkhmat u Remistar Dkhar wa u Chrispin N Dkhar hadein wa yachem markhmat wa u President ka MPCC, u Vincent H Pala hajrong i dawa wow pyndam ya i pyrtuid ka kyrtong na ka Party Congress napoh 6-Khliehriat Assembly Constituency wei i yaklam wa oo ymye i wow mankaam.
Kamtæ ki dkhot ka Party nadooh Unit, Circle, Youth Congress, Mahila wa Block da chong yalang jhan biang ki ynnin ka sngi heiwa da rai wow mih noh na ka Party Congress.
Ha kani ka sngi da e ki ya ka chithi wow mih noh (Resign) cha u President ka MPCC.
Kiwa yut da ong ki wa kammon ka MPCC booh kyrtong ko da ka bru kawa dang man kawa kitkaam ka NPP (District President Mahila NPP) wei kani ka kyrtong ka Jhanika Siangshai da mih ko na ka Party Congress ha ka 23 tarik u Naisaphra, 2022 wow psiah cha ka NPP haka 11 tarik u Naikhynde, 2022.
Kani toh katkam ka Wyrta na u Rimistar Dkhar u Secretary KBCC wa na u Chrispin N Dkhar uwa man u President ka Khliehriat Assembly Youth Congress Committee.
