Da: U Chandame Sungoh
Ha kawi ka Balang da em arngut chilok kiwa dih kiad, uwi tæ uwa dih tooh dih rieh waka lai yaseiñ wa i ak ngait Blai hi, uwi tæ uwa da muaid sarok wada bna hi .
Ha kawi ka Sngi-U- Blai, ngat kaam utæ uwa dih tooh dih rieh wow klam Subject ha yaseiñ chaphang i ktah i kiad ya ka Balang waka imlang sahlang.
Ha katæ ka sngi khutlang u ya utæ u paralok wa dih wow lai yaseiñ wow ap yei klam Subject u. Katda toh da u lok wa maya wa khut tæ lai yaseiñ u dei wym jooh wym tang. Waroh ki bru da phylla wa lai yaseiñ u dei wym jooh. Mut ki jan wada kylla wamut u næ.
Hei klam Subject ong utæ u lok u, “Ka kiad toh kawa pynbiej ya uwa stat, kawa pynstat khlemkaam ya uwa biej kawa pyndooh burom, kawa pynjæd pynpra, khaddooh kawa pynyap khlem toh por”. Kamtea ter ter da klam u wei ki wym tip wym yoo yeiwa dih kiad tooh u tæ yaroh bha ki yei stat u klam.
Neidaw wa slem u pynkut, kamtæ utæ u paralok wa ap yei klam da ngiah da ptai u chong, liwan u cha yung tæ li thooh u chi klong i kiad OC Blue. Wan yieñ u ha lait, ha dwar wa mar pyrchah utæ u lok uwa klam Subject najrong Pulpit. Pynchaad u da utæ u klong kiad na lait yungmane hawa yoo utæ u lok u najrong Pulpit.
Mar ya yoo wa pynchaad klong kiad utæ u lok na lait , da raw chyoh da joo yimbaar u. Pynkut syndet u yeitæ i klam Subject tang u ong Amen leh wym kynmoo de!
I sneiñ: Du kiwa khlem sarom donhi wa nood u klam pyrchah ya kiwi yei kaam sih wa ki leh leh ki.
