15 49.0138 8.38624 1 1 4000 1 http://wyrta.com 300 0

Chah kem sa 2 ngut wa kynthup ya u pulit heiyatoh wa i khayi khynnah

1 Comment

Jowai: Ka Special Investigating Team (SIT) wa da thung neibynta i chah khayi wei chah pynemkaam bakla ki khynnah wa ki kynthai hapoh West Jaiñtia Hills ynne da pyntip ki wa da kem ki sa ar ngut.

Ynne u DSP (HQ) MJ Marngar uwa man leh kam uwa khlieh ya ka SIT da pyntip u wa hadien wa pynman ya ka takit, ki khynnah da khoh pyrtuid ki ya ki kattu katni ngut ki bru wei da lai kynreh ya ki thaw wa ki yung yong ki.

Advertisement ad1

Da ong u wa ha ka 8 tarik uni u bnai da kem ki ya u Lekipaia Phawa (31 snem) i rta na Riatsasim, Jowai wei kreh u kam u Casual Labourer ya i pyrtuid yong u Lekipaia da pynmih da palat  ar ngut ki khynnah kiwa da yoh ki pulit u pynlait.

U Marngar da ong u wa ynnin won da kem noh ya u Khroolan Nongrum (41 snem) uwa na Khimmusniang, Jowai wei u Khroolan kreh u kam u pulit Fireman ha ka Fire and Emergency Service, Jowai Station. Ya i pyrtuid yong u Khroolan da pynmih da ar ngut na ki khynnah kiwa da yoh ki pulit u pynlait.

Kattu waroh wa da chah kem da em ki 12 ngut, kiwa da chah kem heiyatoh wa i chah khayi wa i chah pynemkaam bakla ki kynthai wa ki khynnah ha West Jaiñtia Hills.

Neiliang u SP ka District, u Lakador Syiem da ong u wa neidaw wa kani man ko kawa heh kamtæ da thung chooh sa soo ngut ki pulit SI wow yarap ha ka takit, kini u kynthup ki ya ar ngut ki SI chynrang wa ar ngut ki SI kynthai.

Chooh chooh da ong u wa dang em ki pyrtuid kiwa da pynmih kini ki khynnah wei neiliang ka SIT dang yaleh ko wow takit wei wow kem ya kiwa emkti khamtam kiwa da slaitbor ya kini ki khynnah.

Advertisement ad1
Advertisement ad1

1 Comment

  • June 11, 2019 at 4:26 am
    Barris M

    IQ of a teenage girl.. 👽

    Reply

Leave a Reply