15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da u kba tlang u pyrchang ka sorkar yow pynku ya i yoh i kot ki warep

0 Comments

Tura: U montri ka sorkar jylla wa pait yaka chnat ka rep ka riangu Banteidor Lyngdoh, ynne ka sngi da khut yalang u wa ki sahep ka chnat Agriculture wa Horticulture na waroh ki 5 tylli ki District ha ri-loom Garo yow ya phyllu yumut kammon wow pynku ya ki warep haka yalang wa pynman, ha Orchid Polo, Tura.

Neiliang ki sahep sorkar da pyntip ki wa man iwa sihbhah wa ha ki snem kiwa da dep, ka sorkar ka mang duna palat ko yaka poisa neibynta ki chnat wa yatoh waka rep ka riang ha ri-loom Garo wei kamjooh leh ki chnat duna ki ya ki wakreh.

Advertisement ad1

“I da chong pyrkhat i hajrong kiwa boon wa ki sahep ki Agriculture wa Horticulture wei da chem boon ki eh tangwa neiliang ka sorkar daw yaleh ko wow pynku yaka yoh ka kot ki warep,” da ong u Banteidor hei emlang u MN Sangma, District Horticulture Officer waka Susanna M Sangma, Joint Director ka chnat Agriculture.

Da yaklam leh yeiwa da tipmit ka sorkar ya u murit waka slatyrpad kam ki mar rep yow yoh myntoi ki warep, “I emkaam i wow chong yahcem kamni na ki por cha ki por yow ye u pynwiar ya ki eh wa boon jait yow ye u pynku yaka yoh ka kot ha ri-loom Garo lyngba ka kaam rep,” da ong montri.

Neibynta ka ri-loom Garo, u myntri da pyntip u wa u kba tlang (Boro/Winter Paddy) u wi u jait rep wow pynku ya ka yoh ka kot ki warep. “Ka Selsella C&RD Block toh kawi na ki thaw kawa biang bha wow rep ya uni u mar rep u wym chah ktah ha ki bor mariang kam ka umsoo lada jia ha i por lyiur,” da ong u montri hawa yaklam wa kiwa thoh khubor hadien ka yalang.

“Ka sorkar daw pynbiang ko ya ki symbe neibynta kani ka kaam rep wei kamjooh wow pynpoi um cha ki thaw rep,” da ong u Bantei deiwa ong leh wa ka ri-loom Garo toh kawa biang bha wow rep ya ki mar wa pait ka chnat Horticulture. 

Previous
Next

0 Comments

Leave a Reply