Advertisement ad1

Jowai: Uwi u bru uwa tip pyrtuit kam u Rimonmi Pale uwa na Iongthma na ka chnong Nangjngi West Jaintia Hills District da ksoh bor u ia kawi ka bru kawa na kajooh ka chnong ynnin ka miet katwa dang thiah ko samen ha yung ko.

Ini da jia i ha i por 11:30 i miet, ha kawa u tai u bru da psiah tooh u katwa dang iohthiah ko samen, neidaw wa ka bei iong ka em ko ha Shillong wa dang yang hospital ia u pa iong ka uwa thiah kjut. Hei iatoh wa ini i jia ki paiu para iong kani ka bru da lai ujor ki cha ki pulit pyrchah ia u tai u bru.

Kem ki pulit ia uwa thmu ksohbor

Jowai: Ynne ka sngi ki pulit ka Jowai da kem ki ia uwi u bru wa pyrtuit u Bichar Kyndait uwa na ka chnong Sohmynting West Jaintia Hills District hei emkti thmu ksohbor ia kawi ka khynnah ha kani ka sngi bibar wa da dep ha dong Dongwah katwa dang wan iasein ko ha i por 7 waje i miet.

Katkam ka khubor wa ioh na ki pulit ong ki wa uni u bru da jooh em case u nadooh mynchwa heiwa emkti u hei dung ia uwi u para chnong iong Oo, wei boon ki por jooh yangkhap u ki ki khynnah kynthai haki thaw wa doom dei i thmu u leh ia ki kam wa sih.

Ia uni u bru da kset patok ia Oo. Mynstep u rah bichar ia Oo cha ïung bichar. Hajrong ini, ki VDP ka chnong deilang ka bei wa u pa katai ka khynnah da lai ujor ki ha Jowai Police station, dei wa ong leh wa em kam utai u bru da wanrah ko i tien wa i ma wa joor bha ia ki khynnah kynthai katai ka chnong.

Share this:
Share on Facebook0Tweet about this on TwitterGoogle+0
Advertisement ad1