Jowai: Katkam wa pyntip ki pulit haka 2 tarik uni u bnai u Branch Manager ka Bank of India, Shillong Branch da ujor u pyrchah ya uwi u bru wa tip kam u Amit Paul uwa na Jail Road Shillong uwa da chim ya ka ram Kisan Vikas Patra kawa chongdor T. 4,85,000 na Sub-Post Office Jowai, WJH ha u snem 2017 tangwa hadooh katni ym em su u ya ka ram wei da wiar u.
Haka 27-03-19 ka Branch Manager ka Meghalaya Rural Bank, Latyrke Branch ka Sabrina Kharshiing da ujor ko ya uwa kreh kam u Office Assistant u Shemstar Rynjah wa tooh u T. 550,600 na kani ka Bank.
Kani ka jooh ka Bank ka Meghalaya Rural Bank (MRB) da chah takit ko haka Central Bureau of Investigation (CBI) hadien wa u General Manager ka MRB, Shillong da ujor u wa chem wa da em boon ki kaam leh thok pynhapoh kani ka Bank.
Hadien waka CBI da pynman ko ya ka takit kamjooh ha ka ujor wa yoh na u Chief Vigilance Officer ka MRB, da chem wa em i leh tooh pyn da u Branch Manager warim ka Iewduh Branch wa ki bru wa chimram wa kiwa pynchah pyrtuid heipor wa e ram ya ki ha kiwa boon jait ki kaam.
Ini da jia hadooh wa em 114 tylli ki Bank Account kiwa da yoh ram kawa da poi T. 14,33,65,080 hanlada da tip wa ym ye ki wow su ya ka ram.
Ini waroh da pyntkoh ko yei krehkaam kani ka Bank wei ha ka FIR wa da e da mih pyrtuid 9 ngut ki bru wa kynthup yei pyrtuid u Branch Manager warim ka Bank.
Discussion about this post