Yoh kem ki pulit ka East Jaiñtia ya ki soo ngut kiwa pynemkaam da ka Ambulance yow kit drugs wa chongdor Rs.1.5 klur

Ynne i step synyaaw heipor kamwa 1:00 waje haroh heipor wa ki pulit ka East Jaiñtia Hills dang pynman ki yei kynreh kari ha Damcherra, Kuliang kawa dang haap hapoh ka Umkiang PPP, da pynsangeh ki ya kawi ka kari Maruti Ecco kawa man kam ka Ambulance kawa em Number ML-13B-1459 heiwa napoh da chem 27 tylli ki khieh sabon wa em Heroin hapoh wa khia 409.89 grams.

Ini i Heroin toh iwa da antaad wa chongdor hadooh Rs. 1.5 klur.

Kani ka kari toh kawa wan na Silchar, Assam kawa lai cheiliang Guwahati, wei hapoh da em soo ngut, kitæ u Alom Hussain Laskar, u Nazim Uddin Burbhuiya, u Manir Hussain Mazumdar wa ka Hashina Mamata Choudhury kiwa waroh na Silchar, Assam.

Ya kini waroh da kem wei da Register Case pyrchah ya ki ha Lumshnong PS hapoh ki kyndon 8(c)/21(c)/29 ka aiñ NDPS Act.

Related posts

Chah kem u kurim heiyatoh wa i yap ka manbei kawa na Ri-Bhoi ha Eastern West Khasi Hills

October 8, 2026

Phla ki ar ngut kiwa chah kem wa ya ki thuk thuk wa chah tooh da pynpoi cha Bangladesh

October 8, 2026