15 49.0138 8.38624 1 0 4000 1 https://wyrta.com 300 0

Chongchit ka lehkmen sngi laitlooid ha Shillong

0 Comments
Advertisement ad1

Shillong: Haka nongbah Shillong, ynne ka sngi da lehkmen deilang waka ri waroh kawi yaka lyngkhooh snem laitlooid ka ri wa 73 heiwa u montri rangbah ka jylla u Conrad K Sangma da pynhær u yaka lama ka ri wei da chim u leh yaka Rashtriya Salute ya ki 26 tylli ki dhab wa chimbynta haka Parade wa kynthup yaka 58GTC, BSF, CRPF, MLP, SF10, Assam Police, Meghalaya Police Training School, NCC Boys and Girls, Meghalaya Bharat Scouts and Guides, Meghalaya Red Cross Society, St. Mary’s Higher Secondary School, Little Flower Secondary School, Pine Mount School, Holy Cross School, Gorkha Patshala Secondary School, Government Girls Higher Secondary School, St. Joseph’s Higher Secondary School, Lakreh Memorial School, Christian Academy School, Meghalaya Police Public School Boys and Girls, St. Anthony’s Higher Secondary School, Horse Contingent ka Assam Rifles Higher Secondary School waka Combined Brass and Pipe Band ka Border Wing Home Guards, BSF wa Assam Rifles.

Ha kani ka sngi u Conrad da pynkup burom u leh ya ki ksaw pulit ka Police K-9 Unit daka Medal of Honour waka Appreciation Certificate kam wow tipmit yei yarap yong ki wow thooh ya ki Bomb, ki drugs kamjooh haki takit yong ki pulit.

Advertisement ad1

Ka K-9 Unit wa yahkhmat da u Inspector Sagar Sharma toh kiwa da pynemkaam bha da ka Anti- Narcotics Task Force (ANTF), East Khasi Hills District hawa thooh ya ki drugs ha Shillong wa ki thaw wa em chajan ka sor, wei deiwa yarap kini ki ksaw da chem ya kiwa boon ki drugs. Ki ksaw wa da chah pynkup burom toh uwa e pyrtuid ‘Brandy’ wa pait da u Constable Kynshai Pillar Lyngdoh wa u Constable Reggienald Dkhar, u ‘Remor’ wa pait da u Constable Kamal Sharma wa u Constable Romel Sohtun, u ‘Saffi’ wa pait da u Constable Clever G. Momin.

U Conrad da saam u leh ya ki khusnaam cha kiwa jop haka March Past heiwa da yoh nyngkong ka Pine Mount School, wa ar ka Loreto Convent School wa le ka St. Mary’s Higher Secondary School.

Da pyllait u leh yaka kot Coffee Table Book kawa e pyrtuid “Meghalaya Close to the Heart” kawa yatoh wa ki chaad wa ki tiar tem tynre.

Da pynbna leh ya i pyrtuid ki pulit wa yoh ya ka President’s Police Medal for Distinguished Service wa kynthup ya u Addison Roy Mawthoh, IPS, Dy.IGP (Trg) wa u Seminar Singh Kynjing, IPS, DyIGP (A), Police Medal for Meritorious cha ka Julie Nongkhlaw, Inspector wa u Augustine Lyngdoh, Armed Branch Constable, ka Fire Service Medal for Meritorious Service cha u Charlesstar Thabah, Fireman wa u Lalan Roy, ka Driver and Union Home Minister’s Medal for Excellence in Investigation cha ka Ibashisha Kharpran, Sub Inspector.  

Yaka Home Guards & Civil Defence Medals for Meritorious Service da pynbna yei pyrtuid u Lambert Marbaniang, Inspector wa u Kholendro D. Sangma, Havildar.

Kiwi de ki kaam pynwyrngia wa pynman ynne ka sngi ha Shillong kynthup yaka pynyoo rong ya ki chaad waki rwai tynre, ka Independence Day Run, i pynyoo baiscope mynkna, ka yakop khwe dakha ha Ward’s Lake, i saam baam da ki NGOs, i pynyoo paidbah yaki kari warim wa kiwi kiwi de. 

0 Comments

Leave a Reply