Jowai: Ka yalehke Football kawa tip kam ka 9th Cash Prize Money Football Tournament kawa pynlai da ka Mowpynyein Social Cultural & Sport Organisation, ynne ka sngi da yoh wow sdang noh yaka bynta wa ar namo ka Second Round daka yakhun hapyrdi ka BK FC pyrchah yaka Tpepswer SC.
Kani ka yehke da man ko kawa yoosuk bha heiwa waroh ar liang da yakhun dohyap ki wow yaknieh wow psiah cha ka Quarterfinal.
Haka yakhun kawa jwat bha, ka Tpepswer SC da yoh ko wow thap yaka kool wa nyngkong haka kylla miet haka minit kawa 40 lyngba u Heimon Dkhar, wei yaka kool wa ar da thap da u Leonardo Dkhar haka minit kawa 53.
Neiliang u President ka MSCSO u Shaniah Shkem Dkhar da pyntip u wa ka yakhun Second Round kawa bood u pynman hapyrdi ka Wapungtre FC pyrchah yaka Wallam FC ha kani ka 17 tarik heipor 2:30 i sngi.
Discussion about this post