Advertisement ad1

Jowai: Ha kini ki por wa da chynna wa ka chnong Jowai da sdang ko u heh u krai da chem leh ki thaw ialehke ki khynnah (Park) leh dang sdang ki u duna. Kawi na kini ki Park toh kawa em ha Khimusniang kawa wai dang ha u snem 2013 ha u bnai December da ka tnat Soil & Water Conservation. Kani ka park man ko dooh ka donhi wa em ki thaw ialehke ia ki khynnah kiwa dang thymme wei wa miat bha i rukom chna ia ki. Kani ka park ha kiwa boon hi ki por toh kawa ka-it bha ki khynnah wei kawa da dap khynnah beit wa wan kyndehke ha ka.

Advertisement ad1

Ia i pynlai ia kani ka park da chimkti da ka Khimusniang. Da chem wa mynchwa da miat i rukom pynkrehkam ia kani ka park heiwa da em leh ki wa iang wa chrong bai psiah cha kani ka park kamjooh leh kiwa pynkhooid ia ka.

Ha kini ki bnai wa dep da chem wa ia kani ka park kopsar da mylliñ ia ka da kiwa toh u peit iaka neibhah da chem wa da sang u phlang u rynem u ngooid ka. Da sdang man ko kaam ka khloo khian heiwa em ki phlang kiwa jrong palat ia ki khynnah. Katni ki khynnah leh da sdang ki u dam u wanke cha kani ka park. Da chem leh da lang um wa i kteh ha tre ki thaw chong id-ot wa ki thaw chong sa-tliang iwa pynsap ktieh ia ki sula ki khynnah hadien wa da dep ki u kyndeh ha ini i thaw.

park1

Yooluti wa i chongchit ka chnong Jowai u pynkhooid chnong ynne ka sngi dang ye i u neh hadooh wa ia kani ka park leh u pynkhooid smat noh ki watoh u pynkhooid ia ka khnang wa ki khynnah leh u ioh lad biang ki u wan cha kani ka park wa maia iong ki.

 

Share this:
Share on Facebook0Tweet about this on TwitterGoogle+0
Advertisement ad1