Advertisement ad1

Jowai : Ka Sri Sankaradeva Nethralaya, Guwahati hei ya kreh lang wa ka bor distrik ka West Jaintia Hills wa ka District Blindness Control Society Jaintia Hills daw pynman ki ya ka yarap mynkna kawa wa tip kam ka Free Early Diabetic Retinopathy Screening Camp namo ka eksamin ya ki bru wa ye u yoh chitom khmat neidaw wa em kjut chini. Ya kani ka e sumar daw pynman ha Science Hall Circuit House, Jowai wa ha High Winds, Thadlaskein ha ka 27 Khonchonglad 2015 nadooh 9 waje i step.

Advertisement ad1

Kani ka eksamin toh du ya ki bru wa em 40 snem cha neiñ i rta. Daw em leh i eksamin ya kitu kiwa em ya i kjut diabetic retinopathy kiwa da joor bha i chini ha i snaam yong ki iwa daw ktah ya ki khmat hadooh wa ye u pyn thlah.

Ya kiwa kjut chini kiwa emkaam ya ka sumar ka wa tip kam ka Laser Photocoagulation daw sumar dei mynkna. Kani ka sumar laser photocoagulation daw leh hadien wada pyntikna ya ki bru wa kjut chini tangwa ym em dak wa kjut Retinopathy hadien wa dep eksamin ya ki khmat yong ki.

Waroh ki bru wa em ya i rta 40 snem chaneiñ wa ki tai ki dak kjut wa da dep kdaw haneiñ ye ki u yoh ya kani ka sumar mynkna.

Share this:
Share on Facebook0Tweet about this on TwitterGoogle+0
Advertisement ad1