15 49.0138 8.38624 1 1 4000 1 http://wyrta.com 300

E por ka JAC pyrchah ya ka M/s Abhi Coke chi tayaw ya ka sorkar wow leh yeiwa emkaam

0 Comments

Jowai: Ka Joint Action Committee Against M/s Abhi Coke Pvt. Ltd. wa kynthup ya ka Jaiñtia Students Movement (JSM) Central Body wa ki Waheh Chnong nadooh ka chnong Khliehmyntriang, Jalyiah Kmai, Pamrapaaithlu, Iongkalooh, Sahkai, Narwan, Sohkymphor Mission waka Sohkymphor Neiñ da pynman ki ya ka yalang pyrchah ya kani ka karkhana ynnin ka sngi ha Khliehmyntriang.

Ya ka yalang da pynlai da u Waheh Chnong ka chnong Khliehmyntriang u Joining Dkhar.

Kiwa klam ha kani ka yalang da kynthup ki ya u Leningster Rymbai President ka JSM Central Body, u Harvis Phawa Waheh Chnong ka Jalyiah Kmai, u Loving Chyrmang, Waheh Chnong Pamrapaithlu, u Lim Shadap Waheh Chnong ka Sahkai, u Lamsuk Langstang Waheh Chnong ka Narwan, u Roitre Dkhar Secretary Chnong Iongkalooh, u Ency Chadap President HANM EJH, u Sambormi Lyngdoh President EJNC wa u Market Dkhar na ka chnong Khliehmyntriang wa kiwi kiwi ki khynroo kani ka thaiñ.

Waroh kiwa klam da beiñ joor ki ya kani ka karkhana thang mooyong wa pynmih ko ya ka tdem mooyong kawa da ktah joor yei riñ mynsien ki bru.

Ha kani ka yalang, ki paidbah da wan chimbynta ki nadooh ki khynnah skur ka chnong Jalyiah, Khliehmyntriang waka Good Shepherd Higher Secondary School wa ki paidbah yong ka thaiñ kiwa maad yeiwa eh wa leh kani ka karkhana.

Ha kani ka yalang da mih ka rai wow yang chwa chi tayaw ya ka sorkar wow leh ko iyi iyi hei yatoh wa kani ka karkhana neidaw wa u DC ka East Jaiñtia Hills da kular u wow chimkhia ya kani ka kaam.

Advertisement ad1

Kyntu ka JNC-WJZ ya ka JHTOA wow dam u pyrchah....

Previous

Sdang ka lympung yalehke Football ka Wahiajer ....

Next

0 Comments

Leave a Reply