15 49.0138 8.38624 1 1 4000 1 http://wyrta.com 300

Joor i hiar dor ka imlang sahlang toh neidaw wa da wiar i tieñ ki bru ya ka aiñ: M. Venkaiah Naidu, VP

0 Comments

Shillong: U Vice President ka ri India, u M. Venkaiah Naidu ynne ka sngi da sneiñ u ya kiwa puræ wow man ki kiwa skem hei rukom manbru, kiwa khooid wa kiwa hok wei yeini da ong u ha ka 9th Convocation ka Indian Institute of Management (IIM), Shillong, Meghalaya ynne ka sngi.

Da emlang leh u Lat ka jylla u Ganga Prasad, u montri ka kaam poh yung u James K. Sangma wa kiwi kiwi.

Advertisement ad1

U Vice President da ong u wa i joor i hiar dor ka imlang sahlang toh neidaw wa da wiar i tieñ ki bru ya ka aiñ wei da pynmih ya ki bru wa sih wa boonjait kamtæ da kyntu ya kiwa da pyndep ya ki puræ manda sdang ki u khih yow man kiwa bood ya ka aiñ yow wanrah biang ya ka burom ka akor ha ka imlang sahlang.

U Vice President da pynknmoo u leh yeiwa sikai u Mahatma Gandhi uwa ong da man pap lada mahajon khlem i kreh chitom, em du i stat tangwa i akor won ym em, u khih khlem pyrkhat yeiwa sih wa bha wa kiwi kiwi de. Kamtæ da pynkynmoo u wa waroh iwa leh ki daw ktah ko ya kiwa boon ki bru nadooh ki wakreh yong ki wa kiwa ha yung ha sem kiwa psa ki.

U Vice President ha kani ka Convocation da saam u ya ki Diploma cha ki 172 ngut kiwa pyndep ya ka Postgraduate wa 30 tylli ki Post Graduate Executive Students.

U Vice President leh da saam u ya ka Chairman’s Gold Medal cha u Parth Dadhania, katwa u Deepam Sahu da yoh u ya ka Silver Medal. U Girriraj Goyal da yoh u ya ka Math Finance AG Gold Medal heiwa u Vivek Singh won da jop u ya ka Director’s Gold Medal kam u Best All-Rounder.

Yoh ka NEIGRIHMS yei naam KAYAKALP Awards for ....

Previous

Ym pu yoh bai baam tymmen ki MDC warim ka KHADC

Next

0 Comments

Leave a Reply