15 49.0138 8.38624 1 0 4000 1 https://wyrta.com 300 0

Kyntu ka HYC-SC ya ka KHADC wow chimkhia yei wan kreh ki baar jylla ha khlem ki kot ki sla ha Umsohïong

0 Comments
Advertisement ad1

Shillong: Ha ka 24 tarik uni u bnai ka Hynñiewtrep Youth Council-Sohïong Circle hapoh i yahkhmat u President, u Purningstar Shabong wa i synraan lang u Joplang Kharnaïor uwa man u Assistant Education CEC da yachem ki ya u EM yong ka Khasi Hills Autonomous District Council uwa pait ya ka Labour Licence by Non-tribal heiyatoh wa i em ki baar jylla kiwa kreh be-aiñ ha ka M/S Unique Structure & Tower Limited hapoh i pait ka Power Grid kawa em ha Umsohïong, Sohïong.

Kam wow pynkynmoo ha ka 13 tarik Thohlakhmi, 2019 ka seiñ da lai pait ko ya ka Labour Licence yong kitai ki baar jylla heiwa dachem wa ym biang ki ya ki kot ki sla wei da e por ya ki chi tayaw ya kini ki bru wow pynbiang ya ki Labour Licence. Tangwa ha ka 20 tarik u jooh u bnai ympu em pynbiang ki ya ki kot ki sla kamtæ da phah liwan ki ya kini ki baar jylla kat wympu yoh ki ya ka Labour Licence.

Ha ka 14 tarik uni u bnai da chem wa kini ki baar jylla da wan biang ki khlem biang ki kot wei da phah liwan biang ya ki wei heitæ da wan mih ki pulit na ka Sohïong Police Outpost kiwa da phah sangeh yeini i phah yut ka seiñ ya ki.

Ka seiñ da phylla ko wa kani ka Company ym em yohbor na ka District Council heiyatoh wei booh tiar wei pynkreh ha Umsohïong wei ka Licence kawa katai ka Company da yoh na ka KHADC toh neibynta i kreh ha Lapalang, kammon yoh licence ha kawi ka thaw katwa da pynkreh won chawi? Wei neiwon yohbor ki wow wan booh tiar næ pynkreh ha Umsohïong næ phah kreh be-aiñ ya kitai ki baar jylla? Hajrong ini da phylla ka seiñ leh yei smat ki pulit wow wan yada næ wow hukum wa kitai ki baar jylla ki wym em Labour Licence toh u kreh ki kamwa da leh waroh chi kattu.

Kamtæ ka seiñ da kyntu ko ya u EM wow chimkhia u hajrong ini khnang wow khang yei wan yooh ya ka aiñ ka KHADC wa ka NOC wa da e da u Rangbah Shong.

0 Comments

Leave a Reply