15 49.0138 8.38624 1 1 4000 1 https://wyrta.com 300 0

Sdang ka ya chemlang ki khynnah skur na sor wa na khapood yow e buit mar kylliang

0 Comments

Jowai: Hajrong ka thong wa ki khynnah skur u yoh ki u e yumut mar kylliang heiyatoh i stat i tip kamjooh i sap yong ki wa ki kaam wa ka-it ki u leh para khynnah skur nadooh kiwa puræ ha sor waki khynnah skur wa puræ haki thaaiñ nongkyndong wa khappood, ka yung krehkaam ka District School Education Officer West Jaiñtia Hills District Jowai, chirup i ya krehlang waka chnat Border Areas Development West Jaiñtia, lyngba ka Border Area Development Programme haka sien wa nyngkong da pynman ki yaka ya chemlang ki khynnah skur kawa le sngi lynter. 

Ya kani ka ya chemlang da pynman ha chnong Pdengshakap kawa hap hapoh ka Amlarem Civil Sub Division ya kawa da tip kam ka “Exchange of Knowledge & Skills, from Students of Urban Areas to Students Youths of Border Villages”.

Kani ka ya chemlang da sdang ko ynne ka sngi ha Pdengshakap Secondary School wei haki le sngi wa daw sah ki, ki khynnah daw yoh laad ki wow e yumut kylliang iwi yei wi natlor wow pynyoo kylliang leh yei sap kamjooh i stat i tip. 

Napyrdi ki 13 tylli ki skur wa da wan ya chimbynta, 10 tylli toh ki skur toh napoh ka sor Jowai katwa le tylli won toh kiwa haap hapoh ka thaiñ khappood.

U Golden Rani Assistant Director, Border Areas Development West Jaiñtia Hills District, hawa e yei klam haka yalang wai ya kani ka yachemlang da ong u wa i pynman ya kam kani ka ya chemlang daka chnat wa pait yaki thaaiñ khappood wym toh de kawa thymme neibhah ha 17 tylli ki jylla yong ka ri India leh chim ki wow pynman ya kam kini hi ki jooh ki kaam.

Kamtæ i chim wow pynman ya kam kani ka ya chemlang toh wow yoh ya i sñiawthooh para khynnah skur ya i duna wa iwa biang leh kamjooh. Heijooh i por kyrmen u wa kini ki le sngi u man ki kawa jop wei ki khynnah leh u yoh myntoi ki.

Neiliang u waheh chnong ka Pdengshakap u F. Shylla da pynsñiaw u yei kmen hajrong i pynman ya kani ka ya chemlang ki kynnah neibhah daw pynku ko leh ya ka chnong ka thaw.

Neitæ kyntu haroh u ya ki khynnah wow man kiwa em akor wei burom wow burom uwi ya uwi, natlor wow em i mynsien angnood u poi cha ka thong neibhah ka mynried ka yung ka sem, ka chnong ka thaw waka ri chong ko ha ki.

Advertisement ad1

0 Comments

Leave a Reply