15 49.0138 8.38624 1 1 4000 1 http://wyrta.com 300 0

Nachwa em ki khynnah kynthai wa wiar tangwa ym bien ki u khana cheiwon wiar ki: SP WJH

0 Comments

Shillong: U Superintendent of Police ka West Jaintia Hills District, u Lakador Syiem da ong u wa ka aiñ ym maap ko yaki bru wa emkti wow khayi ya ki khynnah kynthai ha ki kaam dai yei doh i pran yong ki hanlada man ki ki bru wa em ha i bor næ kiwi tawon ki kaam.

U SP da kyntait u wow pyntip iyi iyi leh neidaw waka takit dang lai ko chakhmat wei lada ki pulit chem ki wa dang em chooh kiwa emkti nalor ki 10 ngut kiwa da chah kem, u thap bait ya ki leh ha patok khlem da kheiñ lada man ki ki heh ki hain næ kiwa khian.

Advertisement ad1

Ha iwi tawon i liang u SP da pdiang u wa ka chnat pulit ym ye kow lai sylli man ka por yaki thaw sah næ Hotel kiwa em ha ka District neidaw wa duna bru, tangwa da pyntip u wa ka chnat da jooh pynman ko yaka khynra ya ki thaw sah wa syndet yow pyntikna ba ym em i leh ya ki kaam pyrchah aiñ. Wei da pyntip u leh wa i rukom pynlai ya ki thaw sah ym man ki kiwa biang wei da maham leh yaki tre Hotel.

Da ong u leh wa lada naka takit leh chem wa ki tre yung næ ki Hotel ki embynta ki, ka aiñ ym map ko yaki. Da dep leh ynne ka sngi wow khut yaka yalang ka chnat pulit wa ki tre yong ki Hotel wow e yei maham biang ya ki sa chisien wa ki ym toh wow embynta ki ha kam kini ki kaam pyrchah aiñ.

U Lakador da pyntip u leh wa katkam ka takit, da em ka suba wa ya ki khynnah da rah cha kiwi ki bynta yong ka jylla wa cha baar jylla, kawa da pynman ya ki pulit wow booh daka takit wa kyrpang ka wow leh noh daka Special Investigation Team (SIT).

Chooh chooh da pyntip u wa ka chnat pulit ka chimkhia bha ko ya kani ka kaam neidaw wa man ko ka sien wa nyngkong wa yoh ya ka ujor, deiwa pynrap wa nadooh ki bnai wa nachwa da yoh ya kam kini ki ujor wa wiar ki khynnah, wei da em won kiwa wan liwan yung biang hadien kattu katni por, tangwa boon kiwa ym bien u khana wa cheiwon wiar ki næ khana che cheiwon lai ki.

U SP da pyntip u leh wa hadooh katni hi, kini ki khynnah wa da yoh pyllait toh kiwa na West Jaintia Hills District, tangwa manda dep ka takit ye u man ki tre chnong na kiwi ki thaw wa na kiwi ki bynta ka jylla.

Advertisement ad1
Advertisement ad1

0 Comments

Leave a Reply