15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynkha ya ka chnat ka Scouts & Guides ha ki skur ka Laskeiñ Block

0 Comments
Advertisement ad1
Advertisement ad1
Advertisement ad1

Jowai: Ynne ka sngi da pynman ya ka Investiture Ceremony namo ka yalang wow pdiang ya ki dkhot thymme wow man kam ki dkhot ka Scouts & Guides hapoh ka Laskien C&RD Block.

Ya kani ka yalang da pynman ha ka Govt. UP School Mowkaiaw heiwa ya kani ka yalang da pynlai da ka Cambel Shadap kawa man ka Headmistress yong kani ka skur wei da emlang leh ka Asst. District Organiser yong ka seiñ Laskieñ Block.

Advertisement ad1
Advertisement ad1

Ha kani ka sngi da chimbynta ki soo tylli ki skur hapoh kani ka Block wa kynthup ya ka Govt. UP School Mowkaiaw, ka Lumlibi UP SSA School, Mukhap; ka Madan Khliehriat UP School, Khliehriat wa ka Mukhap UP School heiwa waroh kiwa psiah thymme da em ki 22 ngut ki Scout wa 46 ngut ki Guides.

Ya i pynbaam smai ya ki dkhot wa thymme ya ki Scouts da leh da u Thijlang Suchiang uwa man u Unit Leader ka Govt. UP School Mowkaiaw katwa ya ki Guides won da leh da ka Heimon Hadem kawa man kam ka Unit Leader ka Madan Khliehriat UP School.

Ya kani ka yalang da pynlai da ka M. Muksor, heiwa da da yoh leh i ktien lamphrang naka C. Shadap kawa man leh kam ka Asst. DOC ka seiñ wei man ko leh kam ka Headmistress kani ka skur.

Da yoh ya ki kyntien pdiang burom ya ki khynnah na u Bikram Lyngdoh uwa man kam u Unit Leader ka St. Claret SS Phramer wei i klam khaddooh na ka K. Papang kawa man kam kawa sikai kani ka skur.

Ha kani ka yalang da sakhi da ki dkhot ka District Association ka MBS&GB u B. Lyngdoh (UL), u A. Bthuh (Jt. Secy) na ki soo skur kynthup ki ya u H. Sungoh wa u P. Wet na Lumlihoi SSA School kawa em ha Mukhap UPS ka R. Langstang, u T. Khlem, wa kiwi kiwi.

Advertisement ad1
Advertisement ad1

0 Comments

Leave a Reply