Advertisement ad1

Jowai: Ka chnong Muskut wa em ha Pynthor Sung kawa tip leh kam ka pliang ja ka ri-loom Jaiñtia yei khlan ko u pynmih kba wa ki jhoor wa ha rukom, hadooh ynne ka sngi ym pu yoh sarok psiang wei u sarok wa em toh u sarok khyndaw uwa ktieh uwa dap um wei heipor slap u lai kari toh iwa chitom bha.

Advertisement ad1

U sarok wow poi cha Pynthor Sung toh uwa khlaad na NH-44 wei uni u jooh u sarok moo manda khlaad u cha ka chnong da kylla sarok khyndaw u tangwa uwa lai bait cha dooh ki hali neh u kam u sarok mo.

U Waheh Chnong ka Muskut u Shrak Nongpluh da pyntip u wa nadooh na Laad Sung hadooh wa poi cha ka chnong Muskut jrong u 4 Km wei da wan thaw ka PWD yeini hadien wa phah u Sniawbhalang Dhar ynnin u snem.

Tangwa hadien wa ym em laad ka sorkar wow chna ya uni u sarok, u Waheh Chnong da ong u wa u Sniawbhalang da kular u wow sai na kata u T. 40 Lak yow chna ya uni u sarok. Hadien won da pyntip u Sniawbhalang wa khang ka chnong Moodymai wow chna ya u sarok. Da ong chooh chooh u Waheh Chnong wa ka chnong Moodymai da pyrchah ko leh wow riñ light cha kani ka chnong u riñ um cha kani ka chnong ki kaam wa da pynkreh da ka sorkar.

Kamtæ kiwa chong chnong ha ki le samoi ha chi snem da haap mih yonglang ki wow chna ya uni u sarok deiwa pyndap moo pyndap khyndaw oo.

U Waheh Chnong da pyntip u wa i daw wa emkaam ya uni u sarok ym toh du ya kiwa chong chnong wa em kamwa 500 ngut, emkaam leh ya kiwi kiwa rep kiwa em hali ha Pynthor Sung kiwa na kylleiñ ka ri-loom Jaiñtia wei boon hi ki mar rep hap lai luti ki na uni u saroh khyndaw.

Da ong chooh chooh u leh emkaam da u sarok wa bha khamtam heipor kjut wei da khana u wa heipor wa chitom u ksu u da bah u oo yow li pynyoo doctor, tangwa u ksu u ha chiteiñ luti da khlaad u ha ryngkhi yong oo.

Katni da em du artylli ki kari Pick-up wa lai wa kit mar kit bru cha kani ka chnong.

Share this:
Share on Facebook0Tweet about this on TwitterGoogle+0
Advertisement ad1