Jowai: Katkam wa pyntip ki pulit, ka Loila K Marak da ujor ko wa haka 11-08-19 heipor kamwa 6:40 i miet da yoh phone ko na uwi u bru wa kam toh u Branch Manager ka SBI Main Branch, Tura (WGH) uwa da kylli yaka chaphang ka ATM Card wei hadien wa da khana ko ya waroh da chem ko wa em wa da sai T. 50,717 le sien naka Bank Account yong ka.
Haka jooh ka sngi, u Maxwell K Marak da ujor u wa haka 11 wa 13 tarik u Naisaphra da sai u T. 2,000 chisien naka SBI ATM, Darenggre, Goalpara wa naka ATM wa em ha Babuparay. Tangwa haka 16-08-19 da chem u wa T. 3,14,338.66p da em wa sai ka da ki bru wa ym tipmit wei hadien ini manda lai yachem u wa u Branch Manager, SBI Main Branch, Tura (WGH), da chem wa da leh ya ini da u Abdul Gani Ahmed uwa na Santoshpur, Dhubri, Assam.
Haka 26-08-19, u Nabi Ahmed da ujor u wa da em wa sai T. 1 lak naka SBI Iewduh Branch, Shillong.
Haka 22-08-19, u Jonathan Mawthoh da ujor u wa da yoh phone u na uwi u bru wa kam toh u Branch Manager, SBI Laitumkhrah Branch uwa da pyntip cha oo waka ATM Card u da chah pyndam ko (Deactivated) wei wow pyntip cha oo (Branch Manager) yaka OTP yow pynim biang (Reactivation) ka ka ATM u, wei hadien ini da chem u wa da wiar T. 74,999 naka Account u.
Neiliang ki Bank na ki por cha ki por da pyntip ki wa ki ym jooh phone ki wow paan yaka OTP, ki Bank Account, ki number ka Credit Card/ATM Card wei kiwa leh ya ini lada kam ki katwa kam ki leh toh kiwa kwah wow leh ya ki kaam thok kaam chukor.
Discussion about this post