15 49.0138 8.38624 1 0 4000 1 https://wyrta.com 300 0

Pynkup burom u Paul Lyngdoh ya kiwa yalehke Kickboxing ki wow mihkhmat yaka ri

0 Comments
Advertisement ad1
Advertisement ad1
Advertisement ad1

Jowai: U Paul Lyngdoh EM KHADC uwa man nachwa u Sports Minister ka Meghalaya da pynkup burom u ha ka 30 tarik u Naisaphra ha Conference Hall ka KHADC ya kiwa yalehke Kickboxing ka Meghalaya State Kickboxing Association kiwa da wanrah hadooh 125 tylli ki takma nadooh Naiynniaw 2017 hadooh Naiynniaw 2019. 

Ha kani ka sngi da pynkup burom kyrpang ya u Pynshrainmiki Rabon na Shangpung Pohshnong wa u Hame Shaniah Suiam na Shangpung Mission kiwa da chah jied wow mihkhmat ya ka ri India cha ka WAKO World Senior Kickboxing Championship 2019 ka wow man ha Sarajevo Bosnia Herzegovina ha u Naichiphaw (October) 2019 wa cha ka X Diamond World Kickboxing Championship 2019 ka wow man ha Russia ha u Naikhynde (September) 2019. 

Ka yalehke Kickboxing da tipmit katni da ka International Olympic Committee nadooh ka 30-11-2018.

Kiwi kiwa yalehke Kickboxing kiwa da chah pynkup burom toh ya ki Senior Kickboxer kiwa da wanrah hadooh 14 tylli ki takma, 5 tylli ki takma ksiar wa rupa wa sa 4 tylli ki takma tama ha ka WAKO India Senior Kickboxing Championship 2019 kawa dang dep man ha MRD University Rohtak Haryana.

U Paul da pynsñiaw u yei sñiawkmen wow yoo wa ka yalehke Kickboxing hapoh i krehchitom u Larry P Warjri kam u Working President da lai ko chakhmat ym du ha ka ri India wot chadooh cha baar India heiwa kiwa mihkhmat naka jylla da wanrah ki hadooh 9 tylli ki takma neibynta ka ri India. 

Da e mynsien u leh deiwa ong wa ka jylla wa khian kawa em kamwa 30 lak kiwa chong chnong, tangwa da yoo i wa ki Kickboxer yong i da wanrah ki ya i naam wa ka burom ya ka ri wa ya ka jylla hi. 

Da ong u leh wa i eh wa kiwa yalehke Kickboxing ki yachem ki, e wa u man ki ki moomær wow poi cha ka thong jop da i mynsien kawa yaichah wa minot wat la kiwa boon ki wan ki na ki chnong nongkyndong ki wym da yoh chiboon ki laad myntoi wow rap pynpliah, pynbha ya ka sap ka phong wa ki em ki. 

U Paul Lyngdoh da ong da ong u wa ka yalehke Kickboxing kawa paw du ka kawa ye u wanrah takma na kiwa yalehke Senior Category wa ka yoh ka laad wot wow psiah ha ka National Games 2022 kawa daw man ha Shillong yeiwa neiliang ka MSKA da kyrpaad lang ko ya u Paul Lyngdoh wow rah chooh chooh rap chajrong ya kani ka yalehke Kickboxing.

Kam chibynta wow ya embynta wa ki Kickboxer ki wow mihkhmat ya ka ri India, u Paul Lyngdoh da e sñiawbha u T. 30,000. 

Ka MSKA da pynsñiaw ko yei sñiawngooh ya u Paul Lyngdoh uwa da yarap wow e mynsien ya ki Kickboxer, da thung leh ya u Paul Lyngdoh kam u Patron ka Meghalaya State Kickboxing Association.

Da emlang leh ha kani ka sngi pynkup burom toh ka Dr. Streamlet Dkhar, Adviser MSKA, Ramani Bhattacharya, Executive Adviser, Boney J Kharbani, President West Khasi Hills Kickboxing Association wa u Derrick Lyngdoh kam u Financial Adviser.

Advertisement ad1
Advertisement ad1

0 Comments

Leave a Reply