15 49.0138 8.38624 1 0 4000 1 https://wyrta.com 300 0

Pyndam ka KJBWA ya ka yakhih, rai wow wai da ka yong ki hi ka yaw dai masi

0 Comments

Shillong: Ka seiñ Khasi-Jaintia Butchers’ Welfare Association (KJBWA) da pynbna ko wa da pyndam ki ya ka yakhih yong ki kawa da neh chi bnai kattu heiwa da dam ki wow thied masi wei wow dai doh masi hadien wa yoh ki yei kular naka sorkar jylla wa ya ki Health Certificate wa ki Transit Pass u e daka Veterinary Department.

“Ini da man ko ka sien wa nyngkong wa ka sorkar jylla da chimkhia ko ya ini i dawa yong i,” da ong u KJBWA President u Generous Warlarpih.

Ka seiñ da pynman ko yaka yakhih hadien wa ka seiñ da pynbaad ko wa kiwa challan tooh ya ki masi kiwa kaam toh kiwa khayi masi da thied lut ki ya ki masi wa chait wa khiah na ka yaw dai masi wa em ha Khanapara, Ri-Bhoi District wei da challan tooh ya kini ki masi cha Bangladesh. Ka KJBWA da ong ko wa katwa cha ki won da dai da ki masi kiwa ym em chait.

U Warlarpih da ong u leh wa ki dkhot ka seiñ da rai ki wa ym thied masi de ki na ka yaw wa em ha Khanapara kawa pynlai da u Syiem ka Hima Mylliem wei daw sdang ki da ka yong ki hi ka yaw.

U KJBWA President da pyntip u leh wa kani ka yaw wa thymme ka wow sdang da ka seiñ daw booh yaka ha Lumnongrim, Byrnihat, Ri-Bhoi district.

U Warlarpih da pyntip u leh wa ini i thaw toh yong u bru samen wei daw pait ya kani ka yaw daka KHADC.

Da pyntip u leh wa ya kani ka yaw daw wai yaka du chisien chi tayaw.

0 Comments

Leave a Reply