15 49.0138 8.38624 1 1 4000 1 http://wyrta.com 300

Pynman ka IRCS ya ka 1st Life Members Meet 2018

0 Comments

Jowai: Ka Indian Red Cross Society (IRCS) Jaiñtia Hills District ynne ka sngi da pynman ko ya ka 1st Life Members Meet 2018 hajrong ka phang ‘Everywhere for Everyone Smile’ ha yung Club ka Lion Mission Compound, Jowai.

Ha kani ka sngi u Dy. CEM ka JHADC, u Lamdibok Sumer da man u kam u kongsan katwa ka Saramai Tariang, District Commissioner (Guides), West Jaiñtia Hills District, Jowai da man ko kam ka symbood kongsan heiwa u W. R. Marbaniang, (IPS Retd) uwa man leh kam u Chairman ka IRCS Meghalaya State da wan u kam uwa klam wa kyrpang hei emlang ka Marsalin Pde, District School Education Officer, WJH.

Advertisement ad1

Ya kani ka yalang da pynlai da ka Chwadaka Laloo, Life Member IRCS, Jowai heiwa u W. Lyngdoh, Chairman IRCS, Jaiñtia Hills da e u ya ki kyntien pdiang burom.

U  W. R. Marbaniang hei klam da batai u chaphang ki kaamram yong kani ka seiñ wei da ong u wa ka chaap yong ka Red Cross ymye u pynemkaam ya ka neibhah wa jar jiar ki thaw wa ki kreh em ki ki yong ki hi ki chaap nadooh ki thaw sumaar, ki doctor wa kiwi kiwi.

Neiliang ka Symbood kongsan, ka Saramai Tariang hei klam yong ka da ong ko wa ha ka ri-loom Jaiñtia em chiboon ki kaam wa pynjæd tympra ki bor ka rymaw wei kam ha kini ki por ka IRCS em ko ki bynta wow e yarap cha ki manyung wa chem chitom wei da khana ko leh ya ka parom yong kani ka seiñ.

U Lamdibok Sumer hei klam kam u kongsan da ong u wa kam u dkhot ka seiñ emkaam wow man kiwa smat wow e yarap cha kiwa emkaam kam ha ka ya tyrrah kari wa kiwi kiwi.

Da kitbok u leh ya ki dkhot kani ka seiñ wow pteiñ ki ya ki kaam ki yong ki wow yarap ya ki bru kiwa chem chitom.

Ya ka yalang da pynkut da ki kyntien e khublei na Secretary, IRCS Jowai u O Laloo .

Ya kani ka sngi da pynphooh da ki chaad, ki rwai wa ka lehke wa tbian hajrong kani ka sngi namo ka Mock Drill da ka Modern Secondary School, Ialong.

 

Advertisement ad1

Pyrchah ka KSU yei wym kheiñkor ka SSFA ya ka ....

Previous

Pynthymme noh ka Ummulong ya kiwa kitkaam yong....

Next

0 Comments

Leave a Reply