15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ka KSU yei wym kheiñkor ka SSFA ya ka rukom im tynre ki Khasi

0 Comments
Advertisement ad1

Shillong: Ka Khasi Students Union (KSU) da ong ko wa ym sñiaw yahaap ko yei leh kiwa pynlai ka Shillong Street Art Festival (SSAF) wa da yahkhmat da u Sanjib Roy uwa da tip kam u Yantr heiwa da pynkhleh lang wa ki dur ki dar yong kiwa rwai wa tem baar ri (Celebreties) wa ki dur doh-boit namo ki Cartoon.

I pynman ya kani ka Tamasa toh chibynta wow pynpsiah ya ka nongbah Shillong ha ka Map wow pynyoo wei wow kyntu kynrong ya ka sap ki khynroo khyllood wa man tre jylla.

Advertisement ad1

Ka seiñ da ong ko wa lada ha kani ka rukom kani ka Tamasa (Festival) da tynyap ko yei thmu wow kyntu wei wow pynneh pynsah ya ka Dustur Riti yong ka Jaitbru Khasi lada man ko ha i riam i bait, ka kup ka sem, ka put ka tem, ka chaad ka lehniam leh rukom wa kiwi kiwi kiwa man tre ka jaitbru Khasi.

Chooh chooh da ong ko wa ka jylla Nagaland hawa em kam kini ki Tamasa dro dur (Art Festival) chim ki ka kabu wei yaleh ki leh wow pynpoor ya ka rukom im tynre yong ki, tangwa ha Shillong won man ko mar dei kylla heiwa da thmu wow kset du ha ki Museum yei man kyrpang ka jaitbru.

Neiliang ka seiñ kwah ko wow kylli wa lada ka Tamasa dro dur da ebor wow pynman khlem ki kyndon (Condition)?

Ka seiñ da kyntu ko ya kiwa pynlai kamjooh kiwa chim bynta wow pynpoor ya ka rukom im tynre ki Khasi.

Ha Nagaland

Ha Nagaland

Share this:
Previous

Ujor uwi ha u DGP wa chah dat u diah u ha ki pulit wa suba slaitbor u ya kawi ka khynnah

Next

Pynman ka IRCS ya ka 1st Life Members Meet 2018