Shillong: Ka thaw wa thymme wa pynman yaka Meghalaya Baby League, kawa tip kam ka Smit Centre, ynne da sdang ya ki yalehke Meghalaya Baby League 2019.
Ka Smit Centre man ko kam chibynta ka Greater Shillong Zone kawa da pynheh ha kani ka samoi wa ar ka Meghalaya Baby League.
Ki yalehke ynne ka sngi da sakhi yaka Laitkor Flamingos kawa yachem waka Smit Grassroot Zebras. Da thap 33 tylli ki Goal ha ki soo tylli ki yalehke wa da pynman heiwa ka Smit Grassroot Zebras da jop ko yaka kyrdan U-7, ka Laitkor Flamingos da jop ko haka kyrdan U-9 wa U-11, katwa haka yalehke U-12 won da kut da 2-2.
Ha madan Polo, Shillong won da sdang ya ki yalehke Western Conference ka Shillong Centre haka madan wa le, heiwa ka dhab wa thymme kawa tip kam ka Onsides Gibbons da jop ko le sien yaka Nongthymmai GC Scorpions haka kyrdan U-7, U-9 wa U-11, katwa ka Nongthymmai da jop ko haka kyrdan U-12.
Haki yalehke wa bood won, ka Pay For Right Flying Squirrels waka Mawlai Raptors, pyn-ar kiwa dang thymme da yachem ki ha ki 4 tylli ki yalehke. Ki Flying Squirrels jop ki haka kyrdan U-7 katwa ka Raptors da jop ko haka U-9. Ki Flying Squirrels won da jop ki haka yalehke U-11 katwa haka U-12 won da kut ko da 2-2.
Ka Touchline NE Cubs waka JNS Jaguars da pynkut ki ya ki yalehke ynne ka sngi, heiwa ka Jaguars da jop ko haka kyrdan U-9, U-11 wa U-12 katwa ka Cubs da jop ko haka U-7.
Discussion about this post