Jowai: Ka Head Teacher yong ka Thanglasem LP School Niawkmai, ka Darihun Dkhar da phah ko yaka kyrwoh e khublei sñiawngooh cha ka Jaiñtia Youth Development Society (JYDS), nadooh u President yong ka u Damanleki Lathong, ya u Pyndap Shadap uwa man kam u Chairman ka JYDS wei ya waroh kiwa yahkhmat ka Society.
Ka Darihun Dkhar da ong ko, “I neiliang ka skur i dap i da i sñiawkmen wa i sñiawngooh hadooh kattæ kattæ yaka Society hapoh i yahkhmat yong u President u Damanleki Lathong, da man sakhiat ko kawa em i mynsien wow yarap lang ya i hanlada ka skur em ko cha nongkyndong, tangwa ki khlem booh ya itæ i eh, kamtæ da hiar ki cha ka chnong yong i wow e yarap da ki tin sap yung wow pynemkaam i wow pynbha pynmiat ya ka skur.”
Kamtæ da e ya i kyrkhu khryrdoh ya ka Society wow nang lai ko chaphrang neibynta ki kaam wa bha yong ki ha ki liang waroh.
Neiliang yong ka School Managing Committee ka Thanglasem LP School leh da phah ki yaka khublei lyngba ka kyrwoh na u Chairman yong ka Thanglasem LP School, u Armanki Dkhar uwa da pynsñiaw yei sñiawngooh ya ka Society wei kitbok kitrwiang u yaka Society wow pteiñ ko ya ki kaam wa bha yong ka neibynta ka ri waka jaitbru yong i waroh kawi katwa dang mih ki sngi ki por, wei kamjooh neiliang yong u waheh chnong ka chnong Niawkmai, neibynta ka chnong hi waroh kawi da e khublei waka kyrkhu kyrdoh ya ka JYDS wa ya kiwa yahkhmat wow nang ku ki chaphrang.
Also Read: Da ki tin sap yung e yarap ka JYDS yaka Thanglasem LP School Niawkmai
Discussion about this post